Zirvələri fəth edirik!

Bəşəriyyət hər zaman yeniliklər kəşf edərək öz həyatını daha da canlandırmağa müəssər olmuşdur. Bəzən yeni musiqi janrı, bəzən rəqs elementləri,bəzən də yeni idman növləri yaradaraq həyatımıza rəng qatmağı bacarmışıq.
Yəqin ki,hər kəsin ən azı bir ədəd sevdiyi idman növü vardır. Məsələn,mən üzgüçülüyü çox sevirəm.Digər dostum futbola maraq göstərir,bir digəri alpinizmə.
Alpinizm demişkən..Bu gün beynəlxalq alpinizm günüdür. Yayda isti,qışda soyuq demədən dağlara dırmanan,zirvələri fəth edən alpinistlər bunu bəzən həyatları bahasına əldə edirlər.. Necə ki,bir neçə ay öncə alpinistimizin həyatına bədəl oldu.. Növbəti ilə şimal bölgəmizdə zirvə fəth edərək qədəm qoymaq istəyən alpinistlərimizin bu arzusu təəssüf ki, reallaşmadı. Yox,onlar hər an ayaqlarının altında onları gözləyən “əcəl”in qurbanı olmadılar. Bu dəfə “əcəl” yuxarıdan onları öz cənginə almışdı. Qar çovğunu onların əcəlinə çevrilmişdi..
Babur Hüseynov,Namin Bünyatzadə və Fəridə Cəbrayılzadə Tufandağda həyatlarını itirsələr də həm kolleqalarının və eləcə də bizlərin xatirində daim yaşamağı fəth etdilər,həm də ölkəmizdə bu sahəyə olan marağın daha da artmasına səbəbkar oldular.
Bu sahə ilə məşğul olanlardan daha biri isə Reyhan Məmmədovadır. Reyhanın digər həmkarlarından fərqi onun yol qəzasının qurbanı olmasıdır.
Əminəm ki,sadaladığım alpinistlərin hər biri yaşasaydılar bu sahədə daha böyük işlər görərək vətənimizin adının bu sahədə də birincilər sırasında olmağına müvəffəq olacaqdılar..
Lakin,hər nə qədər qorxulu olsa da əyləncəli idman növü olan alpinizm çoxlarının diqqət mərkəzindədir və illər keçdikcə bu sahəyə olan maraq daha da artmaqdadır. Düşünürəm ki,bu idman növü sırf maraqla bağlı olan,sevimli məşğuliyyətə çevrilən bir idman növüdür. Bu sahə ilə məşğul olan professional və həvəskar alpinistləri təbrik edir və hər bir alpinistin ən böyük arzusu olan Everesti fəth etməyini arzu edirəm! Zirvələr sizin olsun!