Ziddiyyətlərin yazarı Əlif Şəfəq…

Hər romanı böyük maraqla gözlənilən,  oxunan, müasir türk ədəbiyyatının ən çox satılan yazarı Əlif Şəfəq iyirmi ildir ki, oxucularını bir-birindən maraqlı,  uğurlu  əsərləri ilə sevindirir. 1998-ci ildə Mövlana Böyük Mükafatını  ilk romanı” Pinhan” ilə alan Əlif Şəfəq bir-birinin ardınca “Şəhərin aynaları” və “Məhrəm” romanlarını yazmaqla ədəbi vəzifəsini yerinə yetirmişdir. Sonrakı illərdə “Qara süd”, “İskəndər”, “Ustam və Mən” romanlarını  nəşr etdirmişdir. Təbii ki, yazarın əsərləri bunlarla yekunlaşmır. Yazarın ən çox oxunan,  ədəbiyyat aləmində özünəməxsus yer tutan əsərlərindən biri də  “Eşq” romanıdır. Demək olar ki, bütün əsərlərində ziddiyyətli xarakterləri mərkəzə qoyan Əlif Şəfəqin bu romanında da əsas mövqeyi ziddiyyəti əks etdirməkdir. Belə ki,  yazar Amerikada yaşayan Ella adlı bir qadının Mövlananı necə tanımağından yazır və əsas məsələ  Şərqin görkəmli filosofu Mövlananın  amerikalı bir qadın üçün nə ifadə etdiyidir. Bundan savayı ziddiyyət özünü fərqli zamanlardan keçən və romanın ana xəttini təşkil edən iki hekayədə özünü göstərir. Hekayənin biri Northamptonda yaşayan, evli ,üç uşaq anası bir qadından,  ikincisi isə Mövlananın əzizi,  günəşi  Şəms Təbrizidən bəhs edir. Ella oxuduğu roman sayəsində  Mövlana və Şəmslə tanış olur və əvvəllər mənasını bildiyi eşqin  daha fərqli, əsrarəngiz bir məfhum olduğunu anlayır. Yazar “Eşq” romanında  Qərb və Şərqi ziddiyyətli şəkildə çox axıcı bir dillə əks etmişdir. Yazarın “Eşq” romanında hər birimizin oxuyarkən təsirlənəcəyimiz  çox müdrik fikirlər var:

“Aşksız geçen bir ömür beyhude yaşanmıştır. Acaba ilahi aşk peşinde mi koşmalıyım mecazi mi yoksa dünyevi semavi ya da cismani mi diye sorma! Ayrımlar ayrımları  doğurur. Aşkın  ise hiç bir sıfata ve tamlamaya ihtiyacı yoktur. Başlı başına bir dünyadır aşk. Ya tam ortasındasındır,  merkezinde  ya da dışındasındır hasretinde…”

Bəzən eşqə müxtəlif donlar geyindiririk,  təyinlər qoşuruq ona,  halbuki yazarın da dediyi kimi onun heç bir sifətə ehtiyacı yoxdur və biz ona müxtəlif  təriflər verməklə onu istədiyimiz kimi hissələrə bölməməliyik. Eşq var və bizi seçən odur. O istədiyi müddətcə  biz onun mərkəzindəyik , əks halda həsrətində…

“ Yirmi yedinci kural: Şu dünya bir dağ gibidir, ona nasıl seslenirsen o da sana sesleri öyle aksettirir. Ağzından hayırlı bir laf çıkarsa,  hayırlı bir laf yankılanır. Şer çıkarsa, sana gerisin geri şer yankılanır. “

Nə istədiyimizə , həqiqətən,  diqqət etməliyik. Nə istədiyimizi bildiyimizdə həyat bizə doğru cavabları  verəcək.

Əlif  Şəfəq son romanı olan “Həvvanın üç qızı” nda da  ənənəsini pozmayaraq yenə ziddiyyəti  ana  mövzunun  mərkəzinə qoymuşdur. Bu əsərində yazar oxucularını xüsusiyyətləri, dünyagörüşləri bir-birindən fərqli üç qızın həyatından, Türkiyə və Avropadan, dünən və bu gündən bəhs edən möhtəşəm bir səyahətə çıxarır. Bu gün-25 oktyabr Əlif Şəfəqin, ziddiyyətlərin yazarının doğum  günüdür. Sevimli yazarın yazıb yaratmağa, oxucularının qəlbində  daima var olmağa davam etməsi diləyilə…

Müəllif : Leyla Əsgərova

 

 

Leyla Əsgərova

 

BIR CAVAB BURAXIN

Rəyinizi daxil edin
Adınızı daxil edin