Zərrələrimizi daha yaxından tanıyaq…

Sağlam olmayan bədən ruhumuzun qatili və ətraf mühiti darmadağın edən bir kamikadzedir.

Biz xəstə olduqda motivasiyamız, enerjimiz ən minimum səviyyəyə enir, hadisələrə daha pessimist şəkildə yanaşırıq. Bəs biz nəyə görə xəstələnirik?

Sualı oxuyan kimi analarımızın o məşhur sözləri ağlımızda canlanır. “İmmunitetin zəifdi, əşi yemək yeyirsən ki?!.. yediyin elə çöldən aldığın şeylərdi, içində nə var heç bilmirsən”.  Eşitdikdə əsəbləşdiyimiz bu sözlərin arxasında həqiqət var, lakin bizə həmişə irad yolu ilə çatdırıldığı, izah edilmədiyi üçün biz bunları başa düşmür, təkrar-təkrar etməyə davam edirik. Niyə görə xəstələnirik sualına cavab vermək üçün isə ilk öncə biz sağlam sistemimizi, orqanizmamızı yaxından tanımalıyıq.

Bizi birləşdirən zərrələr – Atomlar…

DNT-mizdəki azot , dişimizdəki kalsium, qanımızdaki dəmir, dərimizdəki karbon – ulduzlarda olan elementlərlə eynidir. Bu da bizi ulduz parçası edir.  

Karl Sagan

Gördüyümüz və görmədiyimiz makrodan mikroya bütün cisimlər atomlardan ibarətdir. Biz havadakı atomlarla nəfəs alır, qidadakı atomları yeyir və su atomlarını içirik. Gördüklərimiz isə gözümüzdəki atomların fotonlarla çarpışmasından başqa bir şey deyil. Toxunaraq hiss etdiklərimiz də dərimizdəki atomların toxunduğumuz əşyaların atomlarını itələməsindən ibarətdir.  Deməli bizlər atomlardan ibarət canlı orqanizmik. (Atomlar isə müsbət yüklü proton, neytron və mənfi yüklü elektronlardan ibarətdir).

Sağlam atomlar və xəstə atomlar…

Sağlam atomlar bütün elektronları yerində olan atomlardır ki, bunlar tarazlıqda olan atom hesab olunur. Əgər atom elektronunu itirirsə bu zaman tarazlığını itirir və sərbəst radikallara(xəstə atomlara) çevrilir. Bu atomlar tarazlığını itirdiyi andan etibarən ən yaxındakı atomun elektronunu oğurlamağa çalışır və hüceyrələr arasında böyük elektron savaşı başlayır. Bununla da bizim sistemimizi alt-üst edən terorist qrupu yaranmış olur.

Sual yaranır,  bəs atom nəyə görə elektronunu itirərək xəstələnir?

Müxtəlif kimyəvi maddələr, ətraf- mühitin çirklənməsi, paket halında olan qidalar, spirtli içki, siqaret, stress hətta günəş, su, hava sərbəst radikalların yaranma səbəbi ola bilər. Deməli sərbəst radikalların bədənimizdə mövcud olması normal haldır, çünki onlardan bütünlüklə qaçmaq imkansızdır. Sərbəst radikallar eyni zamanda elektronun transfer olmasına, yeni enerji yaranmasına kömək edir, amma onların  çoxluğu yuxarıda dediyimiz kimi sistemimizin darmadağın olmasına səbəb olur, kiçik xəstəliklərdən bir çox ciddi  xərçəng, alzaymer tipli xəstəliklərə zəmin hazırlayır.

Biz bu terorist qrupuna qarşı necə mübarizə apara bilərik !?

Bədənimiz hər iki saatdan bir immun sistemini yeniləyir və bu zaman antioksidant deyilən maddə istehsal olunur. Antioksidant zədələnən hüceyrələri bərpa edir belə ki, o elektronunu itirmiş atoma özündən elektron verir və xəstə atomları yenidən sağlam atoma çevrir. Deməli biz bu terorist qrupu ilə (sərbəst radikallarla) antioksidantlar vasitəsi ilə mübarizə apara bilərik. Antioksidantlar orqanizm tərəfindən hazırlandğı kimi eləcə də qida yolu ilə alına bilir.

İçərisində  A vitamini olan qidalar –  ərik, kök,pomidor, portağal, şaftalı, ispanaq, brokkoli, balıq, süd, yumurta, içərisində C vitamini olan qidalar- yaşıl tərəvəzlər, çiyələk , itburnu, albalı, içərəsində E vitamini olan qidalar –bitki mənşəli maye yağlar, quru paxlalar, taxıl dənələri antioksidant yaradan qidalardan sadəcə bir neçəsidir.

Картинки по запросу free radical

Sərbəst radikalları minimum səviyyəyə endirmək üçün :

  • Yağı və şəkəri azaldın. Paket halında olan qidalardan uzaq durun. Paket halında olan qidalara qatılan maddələr (Məs: flour) atom elektronlarını məhv edən maddələrdir.
  • Bol- bol su için
  • Spirtli içkidən uzaq qalın
  • Siqartdən uzaq qalın
  • Günəş şüaları altında çox qalmayın yaxud günəş krenlərindən istifadə edin
  • Yuxunuzu sistemə salın

Günay Süleymanova

BIR CAVAB BURAXIN

Rəyinizi daxil edin
Adınızı daxil edin