Yaşı əsrə bərabər faciə..

Günlər var ki, sevincinin böyüklüyü ilə, günlər də var ki, fəlakət və qüssəsinin əzəməti ilə unudulmaz.Təəssüf ki,bu gün ikincini qeyd edirik.Artıq 100 il yaşı olan bu faciə tariximizin qanlı səhifələrində özünə yer tutmaqdadır. Faciəni daha dəhşətli edən nüans isə onun soyqırım xarakteri daşımasındadır..

1918-ci ilin mart ayından etibarən əks-inqilabçı ünsürlərlə mübarizə şüarı altında Bakı Kommunası tərəfindən ümumən Bakı quberniyasını azərbaycanlılardan təmizləmək məqsədi güdən mənfur plan həyata keçirilməyə başlandı. Həmin günlərdə ermənilərin törətdikləri cinayətlər Azərbaycan xalqının yaddaşına əbədi həkk olunmuşdur. Minlərlə dinc azərbaycanlı əhali yalnız milli mənsubiyyətinə görə məhv edilmişdir.Təkcə paytaxtımız Bakıda deyil,həmçinin digər bölgələrimizdə də həyata keçirilən soyqırım prosesləri bütöv bir xalqın məhv edilməsi məqsədilə həyata keçirilsə də cinayətkarlar öz mənfur məqsədlərinə çata bilməmiş və minlərlə insanı faciəvi şəkildə qətlə yetirməklə bu gün haqqında danışdığımız soyqırıma səbəbkar olmuşlardır..

Bu soyqırım Azərbaycan xalqı və dövlətçiliyinin tarixində baş vermiş faciəli hadisələrə milli yaddaşın təzahürüdür. Azərbaycan Xalq Cümhuriyyəti yarandıqdan sonra 1918-ci ilin mart hadisələrinə xüsusi diqqət yetirilən bu hadisə Azərbaycanın Ümumilli lideri Heydər Əliyevin 26 mart 1998-ci il tarixli Sərəncamı ilə 31 mart Azərbaycanlıların Soyqırımı Günü kimi qeyd olunur.

BIR CAVAB BURAXIN

Rəyinizi daxil edin
Adınızı daxil edin