“YARAT”da “Yazıq adamlar. Kabakovlar” filmi nümayiş etdiriləcək

Get more stuff like this

Subscribe to our mailing list and get interesting stuff and updates to your email inbox.

Thank you for subscribing.

Something went wrong.

Sentyabrın 25-də “YARAT” Müasir İncəsənət Mərkəzində “Yazıq adamlar. Kabakovlar” filmi nümayiş etdiriləcək. AZƏRTAC xəbər verir ki, filmin nümayişi bu il onilliyini bayram edən “Qaraj” muzeyi ilə birgə təşkil edilib. “Qaraj” Müasir İncəsənət Muzeyini İlya və Emiliya Kabakovlarla uzun illərin münasibətləri bağlayır. Belə ki, 2008-ci ildə “Qaraj” məhz Kabakovların retrospektiv sərgisi ilə açılıb.

Filmin adı İlya və Emiliya Kabakovların əsərlərinin qəhrəmanlarına, “balaca” adamlara və sovet dövlətində onların dramatik həyat təcrübəsinə istinad edir.

“Yazıq adamlar. Kabakovlar” filmində İlya Kabakov öz yaradıcılığının başlanğıcından – anasının faciəli taleyinin dünyagörüşünə və bir rəssam kimi formalaşmasına təsirindən bəhs edir. Həyat yoldaşı və həmmüəllif Emiliya ilə birlikdə o, SSRİ-də qeyri-rəsmi incəsənətdən, Moskva konseptualizminin yaranmasından, Avropaya və ABŞ-a mühacirətindən, “30 illik sərgi aclığından” sonra (Sovet İttifaqında Kabakov ictimai sərgilərdən imtina edirdi) onun bütün dünyada tanınmasından danışırlar. Bu gün Kabakovun əsərləri Nyu-York Müasir İncəsənət Muzeyi, Milli Müasir İncəsənət Muzeyi – Corc Pompidu Mərkəzi (Paris) və Künsthalle (Hamburq) daxil olmaqla, dünyanın ən aparıcı muzeylərinin kolleksiyalarına daxildir.

Rus dilində nümayiş olunacaq filmin rejissoru Anton Jelnovdur. Filmin xronometrajı 101 dəqiqədir.

MƏNBƏ:AZƏRTAC

How useful was this post?

Click on a star to rate it!

Average rating / 5. Vote count:

As you found this post useful...

Follow us on social media!

We are sorry that this post was not useful for you!

Let us improve this post!

Share

BIR CAVAB BURAXIN

Rəyinizi daxil edin
Adınızı daxil edin