Xocalı – 26! Unutma,unutdurma!

Bu gün Xocalı faciəsindən 26 il ötür..Artıq 26 ildir ki,hər ilin bu günü paylaşımlar edir, öz “profillərimizdə“ bu günü yada salır,bəzilərimiz isə “elə bir gün yada düşür“ düşüncəsi ilə günü başa çatdırırıq.. Bəs həqiqətənmi bu faciənin bir faciə kimi dəhşətini dərk edə bilirik?

Məktəbdən evə dönərkən ailəsinin məhv olduğunu görən o 14 yaşlı oğlanın keçirdiyi hissləri, övladının gözləri qarşısında tikə-tikə edilib süngüyə keçirildiyini görən ananın ürəyinin necə dağlanmasını, yaşlı vaxtında yurd-yuvasının viran olduğunu görən qocaların fəryadını, yaxınlarının erməni əsirliyində olduğunu bilə-bilə yaşamağa məcbur olan kəslərin hiss və düşüncələrini az da olsa hiss edə bilirikmi?

Dünya müharibələrinə şahidlik etmiş,yüzlərlə faciəni yaşamış 20-ci əsr öz “səhnəsinin pərdələrini“bizim ölkəmizə faciələr yaşatmaqla bağlamalı idimi?

Yurdumuz tarixin hər bir dövründə haqsızlıqlarla üzləşmişdir. Xocalı dəhşətləri də onun bir və bəlkə də ən faciəvi hissəsidir. Bu gün Xocalı faciəsini dünya çərçivəsində tanıtmaq üçün çox güclü addımlar atılır,səylər göstərilir. Ümid edirik ki,nə zamansa bu faciənin qurbanlarının qisası alınacaq və bayrağımız Xocalıda dalğalanacaq!

 

BIR CAVAB BURAXIN

Rəyinizi daxil edin
Adınızı daxil edin