Get more stuff like this
Subscribe to our mailing list and get interesting stuff and updates to your email inbox.
Thank you for subscribing.
Something went wrong.
Dünyanın ən nüfuzlu ali təhsil müəssisələrindən olan Corctaun Universitetində xarici xidmət fakültəsinin təşkilatçılığı ilə magistratura pilləsində təhsil alan tələbələr üçün “Mədəniyyət axşamı” adlı sərgi keçirilib.
Otuz ölkənin təmsil olunduğu sərgidə xarici ölkə vətəndaşları ilə yanaşı, ABŞ-ın müxtəlif ştatlarından olan və Corctaun Universitetində təhsil alan tələbələr iştirak ediblər.
Azərbaycan Respublikasının ABŞ-dakı səfirliyinin dəstəyi ilə tədbirdə ölkəmizin stendi qurulub. Stenddə Azərbaycan mədəniyyəti haqqında müvafiq çap materialları və suvenirlər təqdim olunub. Sərginin Novruz bayramı ərəfəsində keçirildiyi nəzərə alınaraq, tələbələrə Azərbaycanın milli şirniyyatları da təqdim edilib.
Sərgidə ölkəmizi həmvətənimiz Türkan Muxtarova təmsil edib.
Yusif Babanlı
Azərtac-ın xüsusi müxbiri
Mənbə-Azərtac
