Get more stuff like this
Subscribe to our mailing list and get interesting stuff and updates to your email inbox.
Thank you for subscribing.
Something went wrong.
Uşaq ədəbiyyatı deyəndə ağıla gələn ilk isim Roald Dahl olur. Britaniya yazıçısı olaraq anılan Dahlın əsli Norveçə dayanır. Həyatının sonuna qədər bir çox uşaq şeirlərinin və hekayələrinin müəllifi olan Roald Dahl əslində bədii yaradıcılığına uşaqlara həsr olunmuş əsərlərlə başlamayıb. Onu bu sahəyə yönlənirən, başqa sözlə desək, ona ilham mənbəyi verən də elə məhz uşaqların özləri olub deyə bilərik. Zamanla xalqın, uşaqların, böyüklərin, yaşlıların rəğbətini qazanmış və ölümündən sonra da yaradıcılıığına qiymət verilmişdir. Onun kitablarının dünya üzərində 250 milyondan çox nüsxəsi satılmışdır.
Bəs o, əsərlərində nəyi qələmə alırdı, uşaqların qəlbini necə fəth edə bildi? Roald Dahl sözün əsl mənasında həm uşaqlara, həm də yetişkin şəxslərə, valideynlərə örnək ola biləcək situasiyalara toxunurdu… Əsərlərinin sirri bu idi…
Günümüzdə də aktual məsələ olan uşaqlara rəftar, onların tərbiyəsi bir çox əsərlərində vurğulanan məsələ olub. Bunun ən böyük örnəyi hər kəsin maraqla oxuduğu, hətta əsasında çəkilmiş və hər kəs tərəfindən böyük maraqla izlənən “Matilda” ola bilər. Bundan əlavə, “Böyük Mehriban Azman”, “Nəhəng şaftalı”, “Charlie və Şokalad fabriki” kimi əsərlər bir çox dilə, eləcə də, azərbaycan dilinə tərcümə olunaraq oxuculara həvalə edilmiş və əsasında da yüksək reytinqli filmlər çəkilmişdir.
Bu kitablardan və filmlərdən mütləq ki, özünə pay götürən minlərlə insan vardır. Çünki Roald Dahl hər yaşa, hər kateqoriyaya xitab edən dahi yazıçılardan biri idi, bunu əsərlərinin hələ də sevə-sevə oxunması bizə günbəgün sübut edir.
Son olaraq onu da qeyd etmək istəyirəm ki, Roald Dahlın əsərləri sadə və bəsit dillə yazılmış ola bilər, amma eyni zamanda həm də dərin mənaları özündə əks etdirən uşaq ədəbiyyatının mühüm nümunələrindən biridir. Hər kəsin mini kitabxanasında mütləq bir Roald Dahl əsəri olmalıdır.
