Unutulan…

Oğuz Atay dedikdə ilk ağlımıza gələn yazarın “Tutunamayanlar” və ”Tehlikeli oyunlar” adlı romanlarıdır. Oğuz Atayın bu iki roman qədər məhşur olmayan “Korkuyu beklerken” adlı hekayə kitabıdır ki, buraya daxil olan hekayələrdən biri də “ Unutulan” hekayəsidir. Öncə başlayaq məkandan hekayədəki hadisələr tavan arasında baş verir. Bu tavan arası qəhrəmanın keçmişinin təzahürüdür. Tavan arasına çıxan qadın burada keçmiş yaşantıları ilə bir-bir üzləşir. Qarşılaşdığı nə varsa sadəcə maddi olaraq tavan arasına atılmış deyil. Onlar qadının “həyatının tavan arasına” atılmış olanlardır. İlk qarşılaşdığı ana-atasının rəsmi olur.  Ata-anası bəlkə də qadının ilk tavan arasına qaldırdıqları idi.  Rəsmə baxaraq “Neden hiç sevmediler bir-birlerini?”deyə düşünür.  Bu cümlə ilə ətrafda qarşılaşdığı  evlilikləri ifadə edir. İnsanlar onları xoşbəxt etməsə belə münasibətlərini, evliliklərini davam etdirirlər. (Ata və anası kimi) Əsərin gedişində qadının da bu cür davam edən bir evliliyinin olduğunu görürük.  Bu qadının ikinci evliliyidir. Öz evliliyini dəyərləndirdikdə də anlamsız və boşuna yaşanmış olduğunu vurğulayır. Əsəri oxuduqda qadının xoşbəxt olmadığı bir evliliyi davam etdirməsi ilə bağlı açıq mühakiməyə rast gəlmirik lakin bunu əsərin sətirlərinə çökmüş kədərdən və qadının  keçmiş həyat yoldaşını xatırladığı epizodlarda görürük.

Keçmişdə qalan biri  ilə də tanış oluruq ki, bu da qadının keçmiş həyat yoldaşı, keçmiş sevgilisidir. Tavanarasında bir zaman tavanarasında intihar etmiş sevgilisinin  cəsədi ilə qarşılaşır. Əsərin qəhrəmanı olub keçənləri- onunla yaşadığı son günü xatırlayır və qəhrəmanımız bir çox şeylər üçün gecikmişdir. Özünü bir çox şeydə günahkar bilsə də özünü təmizə çıxarmağa çalışır. Bu zaman ya bitmək bilməyən işlərə sığınır, yaxud da “…daha mutsuz insanlar vardı, onlarla uğraşdım” deyərək özünün yaxşılığını önə çəkir. Bu da onun yaxşılığı fonunda daxili eybəcərliklərini ifadə edir.

Özü ilə apardığı vicdan məhkəməsindən sonra özünə yadlaşmış qəhrəmanımız heç bir şey olmamış kimi həyatına qaldığı yerdən davam edər.

Yazar əsərdə insanların  həyatın axışına düşüb yaşaması, duyarsızlaşması, toplum olduğu kimi özünə yadlaşması, özündən uzaqlaşmasını bir qadının simasında, onun  keçmişi ilə hesablaşmasında əks etdirir.

Arzu Hüseyn

BIR CAVAB BURAXIN

Rəyinizi daxil edin
Adınızı daxil edin