Unudulmaz İnsanlar Silsiləsindən- İmam Mustafayev

Azərbaycan xalqının unudulmaz liderlərindən biridir, İmam Mustafayev. SSR-nin terror burulğanında mümkünsüz görünən bir çox işi mümkünə çevirdi. Məhz buna görə də xalqının qəlbində əbədi yerini qazandı. İmam Mustafayev 15 fevral 1910-cu ildə Qax rayonunun Ənbərçay kəndində kasıb kəndli ailəsində doğulmuşdur. 1928-ci ildə Zaqatala Kənd Təsərrüfatı Texnikumunu, 1932-ci ildə isə Azərbaycan Kənd Təsərrüfatı İnistitutunu bitirmişdir.1940-cı ildə Ümumittifaq Kommunist Partiyası üzvlüyünə qəbul olunmuşdur. 1940-1954 illərdə Azərbaycan SSR dövlət nəzarəti komissarının 1-ci müavini, Azərbaycan xalq torpaq komissarının 1-ci müavini, Azərbaycan kənd təsərrüfatı naziri, Azərbaycan Kommunist Partiyası Gəncə Vilayət Komitəsinin 1-ci katibi, Azərbaycan Kommunist Partiyası Mərkəzi Komitəsinin katibi vəzifələrində çalışmışdır. 1954-cü ildə isə İmam Mustafayev Azərbaycan Kommunist Partiyasının Birinci Katibi seçilmişdir. SSR 1937-ci il repressiyasından sonra gənclərə böyük önəm verir və əsas vəzifələrə gənc yaşlarından irəli çəkilən şəxsləri seçməklə onlar düşünürdülər ki, gənc azərbaycanlıların milli-mənəvi duyğularını qəlblərindən tamamilə söküb atmağı bacarıblar və onlar rusların qeyd- şərtsiz  tabe olacaqlar. Lakin yetişən bu gənclərin bir çoxu milli- mənəvi duyğulara sahib olduqlarının dəfələrlə tanığı olmuşuq. İmam Mustafayev Mərkəzi Komitənin katibi seçildikdən sonra, bir sıra tədbirlər görməyə başladı. Xudu Məmmədov, Oqtay Rəfili, Sadıq Rəhimov və s. şəxslərlə Azərbaycanın yenidən bağamsızlıq əldə etməsi üçün çalışmışdır. İmam Mustafayev katib seçilərkən Bakı artıq milli statusunu itirməklə üz-üzə idi. Xruşşov Bakını Azərbaycanın tərkibindən çıxarıb, birbaş Moskovaya tabe etmək istəyirdi. Bunun qarşısını almağa çalışan İmam Mustafayev tezliklə Bakının milliləşdirilməsi üçün çalışmağa başladı. Bakı kəndlərindən, Azərbaycanın ayrı-ayrı bölgələrindən gənclər elmə yönləndirir, bu şəkildə onlar təhsillərini başa çatdırdıqdan sonra Bakıda işlə təmin olunacaq və Bakıda yaşayacaqdılar. Təbii ki, İmam Mustafayevin bu tədbirləri müqavimətlə üzləşdi. İmam Mustafayev Bakının milliləşdirilməsi ilə bərabər, mili kadrlarının hazırlanması işinə də önəm verirdi. Məhz onun katibliyi dönəmində Azərbaycanın gələcəyi üçün milli kadrlar ən yüksək səviyyədə hazırlandı. O, Azərbaycan türkcəsinin əsas dil olması üçün hazırlıqlara başladı. Bu yolda ona ən böyük dəsdəklərdən birini də Mirzə İbrahimov idi. Bu dönəmdə artıq idarələrdə rus dili əvəzinə Azərbaycan türkcəsi işlədilir, Bakıda yaşayan ruslar da ana dilimizi öyrənir, ruslar üçün Azərbaycan türkcəsini tədris edən kurslar fəaliyyətə başlayırdı. Bütün bunlara görə İmam Mustafayev bacarıqsızlıq və milliyətçilklə suçlanaraq 1959-cu ildə öz vəzifəsindən azad edildi. Bundan sonra təqiblərə məruz qalsa da öz elmi yaradıcılığı ilə məşğul olmuşdur. İmam Mustafayev 1997-ci il 10 mart tarixində vəfat etmişdir. Milli Azərbaycan Qərargahı mövzusunu işləyərkən yenidən İmam Mustafayevə toxunacayıq. Azərbaycanda Türkçülük kitabında da məhz 20 bölmədən birini İmam Mustafayevə ayırmışdım və gələcək nəşrdə bunu daha da təkmilləşdirəcəyəm. Azərbaycan xalqı öz qəhrəman övladlarını heç çağ unutmayacaqdır! Gəlin milli dəyərlərimizə sahib çıxaq! Tariximiz qoruyaq və yaşadaq!