Türkçülük ideologiya yox, vacibatdır..

    Müasir dünyamız özünü bir çox ideologiyalarla əhatələyib ki,bu da birbaşa olaraq insanların yaşam tərzinə, düşüncələrinə təsir etməkdədir.Qərb dünyasının liberalizmi,MDB-də hələ də yaşayan,bəziləri tərəfindən həsrəti çəkilən sosializmin və ya dini şüarlar altında insanlığa zərbə vuran cərəyanların fövqündə çıxış yolumuz nədir? Bizi öz kimliyimizə,kimlərdən gəldiyimizə və gələcəyi kimlər üçün hazırladığımıza geri döndərən nə ola bilər? Əlbəttə ki,türkçülük..Günlər öncə bir xanım mənə yaxınlaşaraq,“Bəs türkçülük ideologiya deyilmi?“ deyə soruşdu.. İzah etməyim bir qədər vaxt alsa da fikrimi doğru şəkildə çatdırmağı bacardım..İndi isə həmin fikirləri sizinlə də bölüşüm..
TÜRKÇÜLÜK…Bu bir ideologiya deyil..Çünki,əyər ideologiya olsa idi,kimlərinsə maraqlarına xidmət edən,xaricdən gəlmiş bir təsir olardı..Amma türkçülük tam fərqli,öz içimizdə formalaşmış,yalnız milli kimliyimizə,atalarımızın tarix boyunca çəkdiyi əziyyətləri unutmamaq üçün və bizim də onlar kimi gələcək nəsillərimiz üçün çalışmağımız üçün vardır..Milli kimliyi unutmaq uçuruma doğru getmək deməkdir! Humanizm adı altında öz milli təəssübkeşliyimizi yaddan çıxarmamalıyıq! Biz türklər hər zaman digər xalqlarla sülh şəraitində yaşamağa çalışmış və qonşu xalqlarla əlaqələrimizə diqqət etmişik. Lakin,bizə qarşı yanlış edənə humanist rəftar edə bilmərik..Niyəsə humanizm olmaq,soyqırım etsələr də insansevər olmağın lazım gərəkdiyi ancaq bizim üçün keçərlidir..Nəyə görə 1918-ci il soyqırımının günahkarları cəzasız qaldı? Nəyə görə yaşadığı bölgədən sürgün edilən türklərə gəldikdə humanizm nağılları yada düşmədi? Ya Xocalı soyqırımı..?! O ki uzaq tarix deyil..25 il..Cəmi 25 il bundan öncə baş vermiş soyqırımı unut və humanist ol..Məntiqlidirmi? Məncə deyil..
Aqressiyadan uzaqlaşaraq yenə türkçülükdən və onun vacibliyindən bəhs edək..Milli təəssübkeşlik bir xalq üçün ən vacib şərtlərdən biridir.Bu bizi xarici təsirlərdən,təhlükələrdən uzaq olmağımız üçün mühüm şərtdir.Necə ki,xarici təsirlərin səbəbindən 1402-ci il Ankara döyüşü,1514-cü il Çaldıran savaşı baş verərək qardaş qırğını törədilmiş və bu da Türk dünyası üçün acı nəticələrə gətirib çıxarmışdır.Halbuki,bu hadisələrdən əsrlər öncə səlcuqilərin ölkəmiz ərazisinə gəlişi nəticəsində bölgəmizdə türk ünsürü güclənmiş və bu da regionu səlibçilərdən qorumuşdur.Türk birliyinin gücü budur..Hansı ki,müasir dövrümüzdə buna çox ehtiyac vardır..
Türkçülük bu gün bir ideologiya yox,bir vacibatdır..Hansı ki,bizi öz əcdadlarımıza qaytaracaq,bizə milli kimliyimizi xatırladacaq yoldur..Müasir dünyanın kimlərinsə maraqlarına xidmət edən cərəyanlarından,ideologiyalarından uzaqda dayanaraq öz doğru yolumuzu tapmalı və uca türk millətinin daim yüksəklərdə olması üçün çalışmalıyıq..Tanrı Türkü qorusun!

Müəllif : Fəridə Həmidzadə