Təzad.

Bu gün demək olar ki,hər kəs qeyri-səmimilikdən,insanların sahib olduqları şəxsiyyətlə cəmiyyətə təqdim etdikləri şəxsiyyətin arasında yerlə göy arasında fərq olduğundan şikayətlənir. Bəs bunun mənbəyi nədir? Gəlin,ilk növbədə bunu araşdırmağa çalışaq..

5A sinfində M adlı şagird təhsil alır. M çox şən,səmimi,eyni zamanda olduqca saf bir şagirddir. Sinif yoldaşları ilə hər gün maraqlı planlar icra etmək üçün tələsir. Onlar nə zaman M-ə müraciət etsələr heç vaxt məyus olmurlar. M gördüyü,eşitdiyi maraqlı nüanslardan onları xəbərdar edir,yeni öyrəndiyi lətifələri danışır,istedadı yetə bildiyi qədər teatr tamaşaları göstərərək yoldaşlarını sevindirməyə çalışır.

Lakin,bir gün təsadüfən Y ilə Z-in söhbətini eşidir. Onlar M-i məsxərəyə qoyub ona gülür,haqqında xoşagəlməz ifadələr işlədib ucadan gülürlər. O gündən etibarən M özünə qapanır və daha heç kəslə səmimi olmamağa qərar verir. Özünə “yeni şəxsiyyət” düzəldən və cəmiyyətə bu obrazdan çıxış edən M artıq əvvəlki kimi xoşbəxt deyil və onun bu davranışları doğmalarını da narahat etməyə başlayır. Lakin,zaman keçdikcə buna həm ailəsi,həm dostları öyrəşir və artıq heç kəs baş verənlərin səbəbi ilə maraqlanmağa,problemin kökünü çözməyə çalışmır.

“Uşaqdır,yəqin böyüdyünü dərk edir” deyən atası, “Elə ən yaxşısı belə olmağıdır, qonşular da onun bu halına gülürdülər” deyən anası və s.heç kəs ona dəstək olmağa,əsl M-i görməyə çalışmırdılar.

İllər keçir,M artıq 20 yaşlı bir gənc. Özünə qapalılığı,ünsiyyətdən qaçması ilə diqqət çəkir. Bu dəfə o sevilirmi cəmiyyət tərəfindən? Xeyr. Bu dəfə isə o “asosiallığı ilə özünü hər kəsdən üstün sayan, özündən razı və qaraqabaq biri” kimi “titullar” qazanmışdır. Hər kəs onun qeyri-səmimiliyindən şikayət edir.. Bu dəfə də problemin kökünə gedən yoxdur,bu dəfə də onun bu “səmimiyyətsizliyini” araşdıran bircə nəfər də yoxdur. Valideynləri onun tək qalacağını,onu heç kəsin sevmədiyini dəfələrlə ona bildirir və onun niyə bu hala düşdüyünü müzakirə edirlər.

Gördüyünüz kimi M hər iki halda sevilmədi. Bəs nə etməlidir M?

M-in etməli olduğu tək bir şey var. Olduğu kimi davranmaq. Bəli,bəli necə var elə. Əgər M öz aktyorluq qabiliyyətini nümayiş etdirmək istəyirsə bundan çəkinməməlidir. Danışarkən tam səmimi olmalıdır. Əgər jestləri, mimikaları kimdəsə gülüş doğurursa buna əhəmiyyət verməməlidir. Çünki, M-ə bu həyat bir dəfə verilir və onun ikinci bir şansı yoxdur. (Bəlkə o reankarnasiyaya inanırsa başqa məsələ ?)

Amma M də dediklərimizi tam olaraq “istədiyin kimi rəftar edə bilərsən” cümləsi ilə qarışdırmasın.) Etik normalara riayət edərək,olduğunuz zaman və məkana uyğun olacaq bir şəkildə dediklərimizi həyata keçirə bilərsiniz.

 

BIR CAVAB BURAXIN

Rəyinizi daxil edin
Adınızı daxil edin