Get more stuff like this
Subscribe to our mailing list and get interesting stuff and updates to your email inbox.
Thank you for subscribing.
Something went wrong.
Azərbaycan qadını tarixən öz zəkası, hünəri ilə hər bir dövrün aparıcı qüvvəsi kimi parlamışdır və Azərbaycan tarixində özünəməxsus iz salmışdır. Tariximizin səhifələrində Azərbaycan qadını özünü bütün sahələrdə – incəsənət, mədəniyyət, elm sahələrində fəal nümayiş etdirib. Zaman olmuşdur ki, Azərbaycan qadını güclü siyasətçi, dövlət xadimi, həssas qəlbli şairə və qayğıkeş ana olmuşdur.
Azərbaycan tarixində dərin iz qoyan qadınlarımızın sayı kifayət qədər çoxdur. Onların rolu tariximizdə danılmazdır.
Belə qadınlarımızdan İlk qadın nazirimiz Tahirə Tahirovadır.
Tahirə xanımın atası Əkbər Tahirov Qori müəllimlər seminariyasını bitirir və rus dili müəllimi olaraq Türkmənistan vilayətinə göndərilir. Və Azərbaycanın ilk xanım naziri – Tahirə Tahirova 1913-cü il noyabr ayının 7-də Türkmənistanın Bayraməli vilayətində ziyalı ailəsində anadan olmuşdur. Daha sonra Tahirovlar ailəsi Bakıya köçür və Tahirə orta təhsilinə Bakıda başlayır.
O, 1935-ci ildə Azərbaycan Sənaye İnstitutunu (AzSİ) bitirmişdir. T.Tahirova neft sənayesi üzrə ali təhsil alan ilk azərbaycanlı qadın-mütəxəssis olmuşdur. 
T.Tahirova əmək fəaliyyətinə 1936- cı ildən elmi işçi kimi başlamış, sonra o Azərbaycan Neft Elmi – Tədqiqat İnstitutuna direktor təyin olunur. Tahirə xanım neft mühəndisi kimi Bakının bir sıra neft müəsissələrində çalışır. Tahirə xanım öz xatirələrində qeyd edirdi ki, “ ilk vaxtlar işləmək ona çox çətin idi, çünki, o zamanlar mədənlərdə çalışan xanımlar yox səviyyəsində idi , kişilər onu kollektivlərinə qəbul etmək istəmirdilər” . O , Böyük Vətən Müharibəsi dövründə cəbhənin fasiləsiz neft təchizatına cavabdeh idi. 1936 – cı ildə o Lenin ordeni, Qırmızı Əmək Bayrağı ordeni və “Şərəf nişanı” ordeni ilə təltif olunmuşdu.
T.Tahirova 1957-ci ildə Xarici işlər naziri vəzifəsinə təyin olunur. Lakin o, vəzifəsinin icrasına yalnız 1959-cu ildə öz təşəbbüsü ilə SSRİ XİN-nin Diplomatik Akademiyasını bitirdikdən sonra başlayır. Tahirə xanım mədəni-siyasi davranışı, ünsiyyət bacarığı və s. bu kimi şəxsi keyfiyyətləri ilə istər ölkəyə gələn xarici qonaqların, istərsə də özü xarici səfərlərdə olarkən həmkarlarının və siyasi xadimlərin rəğbətini qazana bilir. Əlbəttə də bütün bunlar nazir xanımdan gərgin zəhmət, yuxusuz gecələr, əsl diplomat səriştəsi, məsuliyyət, ən əsası isə səbr, dözüm və iradə tələb etmişdi.
T.Tahirova dünya ölkələrinin bu ali məclisində diplomat kimi iştirak etmiş ilk azərbaycanlı qadın olub.
T.Tahirova nazir işlədiyi müddətdə Azərbaycan diplomatlarının SSRİ-nin səfirliklərində işləməsinə, Diplomatik Akademiyada oxumasına daima diqqət yetirmişdir.
Tahirova SSRİ nümayəndə heyətlərinin tərkibində Hindistan, Birma, İndoneziya, Əfqanıstanda, 1961-1962-ci illərdə isə SSRİ Qadınlar Komitəsi nümayəndə heyətlərinin tərkibində Tunis, Türkiyə və Əlcəzairə səfər edir. Məhz onun gərgin əməyi nəticəsində 70-80-ci illərdə Azərbaycanın beynəlxalq iqtisadi, mədəni, elmi-texniki və b. əlaqələri xeyli artdı, coğrafiyası daha da genişlənir.
Tahirə Tahirova 1984 – cü ilə qədər xarici işlər naziri kimi fəaliyyət göstərmiş və həmin ildə 71 yaşında təqaüdə çıxmışdır. 78 yaşında 1991 – ci ildə vəfat etmişdir.
O , türk, ingilis və rus dillərini bilirdi.
Müəllif : Çinarə Əliyeva
