Tanrı dağıyla söhbət..

Uzun zamandır səni görmək,illərdir ürəyimdə saxladığım sözləri sənə demək istəyirdim..Amma cəsarət edə bilmirdim..Axı,sən böyük şəxsiyyətləri öz qoynunda bəsləyib yetişdirən,sonra da onların igidliklərinə şahidlik etmiş uca zirvəsən…Sən böyük hökmdarların davamlı igidliyinə,incə ruhlu şairlərin dərin mənalı şeirlərinə,ismətli xanımların öz bəylərinə sadiq yoldaşı,həm də güvənli silahdaş olmasının şahidi olmusan..

İndi isə mənzərə dəyişilib Tanrı dağı..“Humanizm“pərdəsi altında dəyərləri unudub “vəhdət“yaratmaq istəyən kim,əcdadına bağlılığı “geridəqalmışlıq“adlandıran kim,özünü müasir hesab edərək milli kimliyini yaddan çıxaran kim..

Sənin tövsiyyən isə bu olmamışdı bizə..Daim Turan ellərinə bağlı olmağı aşıladın bu yurda..Milli kimliyimizə,soy-kökümüzə olan sadiqliyi səndən öyrəndik,Tanrı dağı…

Bəs biz harada səhv etdik? Nə oldu bizi doğru yoldan uzaqlaşdıran? Yoxsa öz yolumuzdan uzaqlaşdığımızı görüb sən də üz çevirdin bizdən? Və elə bu səbəbdəndir susqunluğun…

Göylərə yüksələn bir səslə fəryad etdim :

-Bağışla bizi,Tanrı dağı,bağışla.. Bağışla ki,sənin bizə göstərdiyin yoldan uzaqlaşaraq yad ünsürlərə uymuşuq və bu gün də cəzamızı çəkirik..

Gök Tanrısından bağışlanmağımızı dilə Tanrı dağı…Tanrı bizi əfv etsin…Bəlkə günahlardan arındığımız bir vaxt sənin də hüzuruna daha qorxmaz,daha sevincli,daha da inamlı gələrik..

 

Müəllif : Fəridə Həmidzadə

BIR CAVAB BURAXIN

Rəyinizi daxil edin
Adınızı daxil edin