Get more stuff like this
Subscribe to our mailing list and get interesting stuff and updates to your email inbox.
Thank you for subscribing.
Something went wrong.
“Aleksandra imperator rus-müsəlman qız məktəbi” və ya bildiyimiz adıyla “Tağıyevin qızlar məktəbi” – Müsəlman dünyasında ilk qızlar məktəbi. Başda Osmanlı sultanı, İran şahı və ölkədəki molla və dindarların təzyiqi ilə icazəsi 3 il, tikintisi isə 1 ildən çox ləngimişdir. Dindarların bu binanın yerinə “Cümə Məscidi ” tikdirilməsi tələbinə baxmayaraq Hacı Zeynalabdin Tağıyev 359 min 533 rubl (İndiki ekvovalenti ilə təxminən 1 milyon 970 min dollar) pul xərcləyərək 1901-ci ildə məktəbin açılışını edə bilmişdir.
Tağıyev dindarların təzyiqinə cavab olaraq bir çox ölkələrə nümayəndə göndərmiş və bir çoxundan pul qarşılığından belə bir məktəbin tikilməsi üçün icazə almışdır. Ancaq bundan sonra dindarlar və onları qoruyan Azərbaycan lotuları məktəbin tikilməsinə razılıq verdilər.
15 sentyabr 1918-ci ildə Bakını azad edildikdən sonra AXC hökumətinə uygun bina tapılmadıqda Tağıyevin təklifi ilə bina Azərbaycan Xalq Cümhuriyyətinin parlament binası olmuşdur.
Hazırda Azərbaycan Milli Elmlər Akademiyası Əlyazmalar İnstitutu kimi fəaliyyət göstərir.
Müəllif: Ziya Kazımzadə
