Tələbə terroru

Zəng vurulur, hər birimiz dəhlizə çıxırıq və nəyinsə yolunda getmədiyini görürük..Konkret olaraq nə baş verdiyini bilməyən 7-ci, 8-ci sinif uşaqları radio dinləyir, evə zəng edib məlumat öyrənməyə çalışırlar.. Yenə heç nə anlaya bilmirdim.. Məktəblə yaşadığım evin arasında məsafə çox olmadığından və axırıncı dərsimiz olduğuna görə hadisə barəsində məlumat almağım elə də uzun çəkmədi..
Hadisənin Neft akademiyasında olduğunu öyrəndim.. Çox da xoşum gəlməyən bir universitetdə.. Məlum hadisə baş verəndən sonra daha çox xoşum gəlməməyə başladı ordan.. Bilirəm bunun daş divarlara və ya oradakı təhsil sisteminə heç bir aidiyyatı yoxdur.. Amma..

Həmin gün bütün telekanalları izləyir, xəbər almağa çalışırdım. Nə qədər tələbənin həyatına son qoydu həmin qatil.. Neçə savadlı gəncimizin həyatını yarıda qoydu.. Savalanların, Ayazların ömrünü öz dəyərsiz və mənasız həyatı ilə bərabər yox etdi.. Cənazəsi yaxınları tərəfindən belə qəbul edilməyən qatil neçə insanı öz yaxınlarından ayırdı.. Ölkənin gələcəyi üçün mühüm əhəmiyyət kəsb edən insanları gənc yaşda məzara göndərdi..
Kimisinin də şansı ona kömək oldu. Həmin gün dərsə getmək istəməyib gününü evdə keçirən tanıdıqlarım oldu ki, bəlkə də bu gün həyatda olmayacaqdılar..
Hadisənin səbəblərini müxtəlif cür izah etməyə çalışdılar.. Kimisi bunu dini sektalarla əlaqələndirir, kimisi siyasi motivlər axtarmağa çalışırdı.. Lakin, bu səbəblər heç nəyi dəyişməməkdədir.. Neft ölkəsi olan diyarın Neft Akademiyasında gələcəyin kadrları məhv edilir və hər şey olduğu yerdən davam edir..

20-li yaşlarda bir gəncin həyatına son qoymaqda məqsəd nə ola bilər axı?! Heç tanımadığın, kimliyindən belə xəbərsiz olduğun birinin qatilinə çevrilməyə səni nə məcbur edər?! 8 ildi bu sualın cavabını tapa bilmirəm..
Belə “psixologiyaya” sahib birini 2-ci kursda oxuduğum zaman görmüşdüm.. Dərsdən geri dönərkən qarşıdan tələbələrin gəldiyini görən bir şəxsin “Bunlar tələbələrdir? Hamısını güllələyərdim!” dediyinin şahidi olmuşdum.. 19 yaşlı 2-ci kurs tələbəsi üçün bunun nə demək olduğunu hər halda başa
düşərsiniz..
8 illik tələbə terrorunun nəticəsi bu gün də gözlər önündədir.. Baş verən hadisə bizi kədərləndirsə də, bacardıqca mübariz olmalıyıq.. Ölkəmizin gələcəyi üçün daha möhmək olmalı və hadisələrdən nəticə çıxarmağı bacarmalıyıq..

Müəllif : Fəridə Həmidzadə.

BIR CAVAB BURAXIN

Rəyinizi daxil edin
Adınızı daxil edin