Get more stuff like this
Subscribe to our mailing list and get interesting stuff and updates to your email inbox.
Thank you for subscribing.
Something went wrong.
1225-ci ildə İvane Mxarqrdzelinin başçılığı altında 60 minlik erməni-gürcü-qıpçaq qoşunu Xarəzmşah Cəlaləddinin başçılıq etdiyi İslam ordusunu Cənubi Qafqazdan çıxartmaq üçün Qarni adlanan yerə toplaşdılar. Avqustun 7-də İslam ordusu Qarni yaxınlığına gəldi. Xristian ordusundan olan yekəpər Şalva adlı bir gürcü pəhləvan üzünü İslam ordusuna qarşı tutaraq bağırdı :
“Hanı Zülfüqarın sahibi (Hz. Əli nəzərdə tutulur)? İndi öz qılıncımı onun üzərində sınayardım.”
Cəlaləddin xristian ordusunun sağ cinahını təşkil edən qıpçaqlara duz-çörək göndərib onlarla soydaş olduğunu bildirdi. Qıpçaqların çoxu döyüşdən imtina etdi. Cəlaləddin döyüşdən əvvəl dedi : “Qurdlar nə vaxtdan sürüdə qoyunların çox olmasından qorxmuşlar?” və düşmən üzərinə yeridi. Döyüşdə 20 mindən çox erməni-gürcü döyüşçüsü öldürüldü, 4 min müsəlman şəhid oldu. Əsir tutulan Şalvanı Cəlaləddinin yanına gətirdilər. O Şalvadan soruşdu : “Zülfüqarın sahibini axtarırdın? Mən onun nökəriyəm”. Şalva başını aşağı saldı və müsəlman olmaq istəyini belə dilə gətirdi : Bostana göz dəyməsin deyə ağacın başına eşşək başı qoyurlar. Qoy mənim başım İslamın həmişəyaşıl zoğlarının eşşək başı olsun…
Üzdə özünü müsəlman kimi göstərsə də Şalva onu bağışlayıb öz əyanları sırasına daxil edən Sultan Cəlaləddinə qarşı xəyanət etdi. Əvvəlcədən gürcülərə xəbər göndərərək Marabda yaxınlığında pusqu qurmağı tapşıraraq, sultana Tiflisə guya Qars istiqamətindən yürüməyin qorxulu olduğunu bildirdi. Onun bu xəyanətindən xəbər tutan Sultan Cəlaləddin bir qılınc zərbəsi ilə bu xaini şaqqaladı.
