“Start” layihəsi çərçivəsində gənc və həvəskar rəssamların sərgisi açılıb.

“Arts Council Azerbaijan” QHT-nin təşəbbüsü ilə “Start” layihəsi çərçivəsində gənc və həvəskar rəssamların sərgisi açılıb. “Art Tower” rəsm qalereyasında baş tutan sərgi “İçərişəhər” Dövlət Tarix-Memarlıq Qoruğu İdarəsi, Mədəniyyət Nazirliyi, Azərbaycan Dövlət Rəsm Qalereyası və Gənclər Şəbəkəsinin təşkilatçılığı ilə reallaşıb. 10-dan çox rəssamın müxtəlif mövzulu 40-dək sənət əsəri nümayiş etdirilən layihənin məqsədi incəsənətin təbliğində gənclərin rolunu artırmaq, onların bu işin təbliğatçısı qismində çıxış etmələrinə dəstək olmaqdır. Sözügedən sərgini təşkil etməkdə məqsəd gənc nəslin incəsənətə olan marağını daha da artırmaq, Azərbaycan rəssamlarını tanıyıb və tanıtdırmaqdır. Sərgi bir həftə ziyarətçilər üçün açıq qalacaq.

BIR CAVAB BURAXIN

Rəyinizi daxil edin
Adınızı daxil edin