“Sonuncu Əsr” dərgisi hekayə kitabının təqdimat mərasimini keçirdi..

Məqsədi hər zaman xalqımızın maariflənməsi yolunda çalışmaq olan “Sonuncu Əsr” dərgisi 11.11.2017-ci il tarixində “BookZone kitab evi”ndə “Hekayə Əsri” adlı kitabının təqdimatını keçirmişdir. Böyük maraqla qarşılanan tədbir təqribən 50 nəfər şəxsin iştirakı ilə baş tutmuşdur.
“Sonuncu Əsr” dərgisinin redaktorlar bölməsinin rəhbəri Ü.Məmmədovanın aparıcısı olduğu tədbirdə “Sonuncu Əsr” dərgisinin rəhbəri T.Məmmədov çıxış edərək kitabda əməyi keçən hər kəsə öz təşəkkürünü bildirmiş,daha sonra kitabın məqsəd və məramı barədə qonaqlara məlumat vermişdir..
24 hekayənin müəllifləri könüllü surətdə çıxış edərək hekayələri haqqda qısa məlumat verərək tədbir təşkilatçılarına öz minnətdarlığını bildirmiş,gələcək fəaliyyətimizdə uğurlar arzulamışdır.
Fəxri qonaq qismində iştirak edən dəyərli şəxs – jurnalist-filosof və türkoloq; AMEA Fəlsəfə İnstitutunun aparıcı elmi işçisi, fəlsəfə üzrə fəlsəfə doktoru, dosent – Faiq Ələkbərov hər zaman olduğu kimi bu dəfəki tədbirdə də dərgimizə dəstək olmuş və gənclərin vətənpərvərlik ruhunun yüksəlməsi yönündə çıxış edərək tədbirimizin daha da faydalı keçməsinə vəsilə olmuşdur.
Hekayə kitabı ilə bağlı baş tutan tədbirimiz xalqımızın elmi-mədəni inkişafında növbəti xidmətimiz kimi yaddaşlara yazılmış,gələcək fəaliyyətimiz üçün yeni bir cığır açmışdır.
Xalqımızın maariflənməsi yolunda yanımızda olan hər kəsə dərin minnətdarlığımızı bildirir, Azərbaycan ədəbiyyatının inkişafında az da olsa xidmət etməkdən qürur duyuruq!

BIR CAVAB BURAXIN

Rəyinizi daxil edin
Adınızı daxil edin