Sevgini ən gözəl anlatan şair..

Həyatını bütövlükdə yazmağa həsr etmiş bir şairdir İlhan Bərk. Yazdığı şeirlər, əsasən, sevgi mövzusunda olsa da və bu, əksəriyyət etibarilə çox bəsit mövzu kimi qəbul olunsa da, İlhan Bərk sevgini o qədər gözəl təsvir edir, o qədər dərin mənalar çıxarır ki ondan, belə olan halda, onun şeirlərini sevməmək mümkün deyil.
İlhan Bərk yaradıcılığı boyu daima yeni şeir formaları axtarmış onları öz üslubunda tətbiq etmişdir. Şairin şeirlərinin əsas mövzusu eşqdir. Bu mövzu yaradıcılığında çox böyük bir yer tutduğuna görə İlhan Bərki lirik şair adlandırmışlar. Bundan başqa şairin yaradıcılığında yer tutan mövzular tarix, ölüm və mifologiyadır.
Şairin əsərləri arasında “Güneşi yakanların selamı”, “Günaydın Yeryüzü”, Türkiye şarkısı”, Köroğlu” ,“Aşıkane” və başqaları mühüm yer tutur.
Ne zaman seni düşünsem
Bir ceylan su içmeye iner
Çayırları büyürken görürüm.
Her akşam seninle
Yeşil bir zeytin tanesi
Bir parça mavi deniz
Alır beni.
Seni düşündükçe
Gül dikiyorum elimin değdiyi yere
Atlara su veriyorum
Daha bir seviyorum dağları.
“Ne böyle sevdalar gördüm ne böyle ayrılıklar” adlı bu şeirində şair insanın sevərkən fərqli olduğuna diqqət çəkir. İnsan sevərkən sevdiyində gördüyü gözəlliyi, incəliyi onu əhatə edən hər şeydə görür. Adi vaxtlarda heç diqqət etmədiyi bir şey sevərkən ona olduqca heyrətamiz təsir bağışlayır. Şair deyir ki sevən insan fərqlidir…
İlhan Bərk yazdığı şeirlərlə təkcə öz dönəmində deyil, hal-hazırkı dövrdə də çox oxunan şairlərdəndir.
Bu gün-18 noyabr, İlhan Bərkin doğum günüdür. Sevgini ən gözəl anlatan şairin ruhu şad olsun!

Müəllif : Leyla Əsgərova