Selfie

Yasadigimiz  dünya trendler üzərinde  qurulmuş bir məfhumdan ibarətdir,hansi ki ,bu trendler bütün yaşam tərzimizi öz hakimiyyəti altına alır,geyindiyimiz ayaqqabıdan tutmuş,danışıq tərzimizə ,hətta güldüyümüz zarafatların səviyyəsinə  qədər hər şeyi trendler müəyyən edir.Son illerde bütün dünyada ən məşhur trendlərdən biri də Selfiedir.Müasir dövrdə istəsəkdə  istəməsəkdə  SELFİEnin tesiri altında qalırıq  çünki SELFİE bir prestij göstəricisidir və hər birimizin getdiyi hər brend mağazanın güzgüsündə, məşhur fast food restoranının WC də  çəkilmiş  SELFİElərini  paylaşan dostlarımız çoxdur ,həmçinin eyni otaqda 30 SELFİE çəkənləri də unutmamaliyiq.

Hər nə qədər SELFİE dedikdə ağlımıza əzələlərini göstərən oğlanlar  və dodaqlarını şişirdən qızlar gəlsə də bu bəzilərimizin  düşündüyü qədər mənasız bir şey deyil, hətta bəzən bizi çətin situasiyalardan da xilas edir.Məsələn geniş dost qruplarıyla bir araya gəldikdə kənar bir şəxsdən şəklimizi çəkməyini və ya o kənar şəxs olmadıqda içimizdən birinin şəklimizi çəkməyinə və kadrdan kənarda qalmağına ehtiyac duyulmur, çünki həmişə o dost qrupunun içində ya İPHONE 6 sı olan, ya qolu çox uzun olan, bunlardan heç biri olmadıqda belə mütləq burnu balaca olan öz güvənli bir dost hamı ilə birlikdə SELFİE çəkə bilir.Selfie hər yaş qrupundan və hər sosial təbəqədən olan insanlar tərəfindən çəkildiyi üçün hətta bəzi siyasi liderlər aktyorlar və digər məşhurlar  belə özlərini xalqın bir parçası kimi göstərmək məqsədiylə SELFİE dən istifadə edirlər məsələn Barak Obamanın Ağ evin instagram səhifəsindən paylaşdığı selfie bütün dünyada müsbət bir hal olaraq sensassiya yaratmışdır.

SELFİE 2013 cü ildə İLİN SÖZÜ elan edilərək ingilis dilindəki ən geniş lüğətlərdən birinə daxil edilmişdir Avstraliya mənşəli bir söz olmasına baxmayaraq bu gün ingilis dili bilməyən kütlə tərəfindən də çox  yaxşı anlaşılaraq beynəlmiləl bir söz olaraq qəbul edilmişdir.Gəlin bu trendin ilk dəfə harada və hansı şərtlərdə başladığına  nəzər salaq.Tarixdə ilk selfie 1839 cu ildə Filadelfiada fotoqrafiya həvəskarı olan Robert Cornelius adında bir kimyaçı tərəfindən çəkilmişdir və SELFİEnin atası olaraq tarixə yazılmışdır.O bu SELFİE ni ailəsinin elektrik ləvazimatları satılan dükanının arxa həyətində təsadüfən çəkmişdir və bu SELFİENİN çəkilməsinə iki dəqiqə sərf edib baxmayaraq ki biz bu gün 2 saniyə belə sərf etmirik.SELFİE kəliməsini isə ilk dəfə 2002ci ildə avstraliyalı bir yeniyetmə uçuqlamış dodağının  şəklini  instagramdan paylaşaraq yazmışdır.Həmin bu yeniyetmə əgər bu kəlimənin patentini ala bilsəydi bu gün  bir sərvət sahibi olacaqdı,halbuki  adı bele unudulub.

Bu il Londonda SELFIEnin tarixini sərgiləyən sənət qalereyası açılmışdır və bu qalereyada SELFİE fenomenlərinin tarixi sərgilənmiş və ilk dəfə olaraq SELFİE özünü ifadə sənətinin bir növü kimi təqdim olunmuşdur.Burada belə bir sual yaranır ki sadəcə telefondakı 3 prosedurdan (camera, ön camera və click)ibarət olan bir əməliyyat illərcə əmək tələb edən bir rəsm əsəri və ya ədəbi bir əsərlə eyni bir sənət növünə mi daxil edilmişdir?XXI əsrdə bu suala cavab vermək çox sadədir.İstənilən trend sənətin bir növü ola bilər , bir halda ki, bu böyük bir kütlə tərəfindən qəbul olunub  və bəyənilibsə .Bu nöqteyi nəzərdən belə bir fərziyyə irəli sürmək olar ki, SELFİE növbəti dövrlərdə sənət anlayışının axınını dəyişdirəcək olan aspektlərdən bəlkə də birincisidir.

Ləman Pənahlı