Şahmat qaydaları ilə qətl

Məqalənin müəllifi Elvin Məmmədov:

Şahmat qaydaları ilə qətl

İşdən sonra kitab oxumaq insana daha çox zövq verir. Uzun aradan sonra növbəti  maraqlı kitab ilə sizi tanış etmək istəyirəm. Elburus Kəlbiyevin “Şahmat qaydaları ilə qətl” romanı müasir ədəbiyyatımız da iz qoyacaq bir romandır. Bir kitabı ilk oxuyanda hər bir ayrıntıya diqqətlə fikir vermirəm. 2-3-cü dəfə oxuyarkən fikirəm. Bələliklə, kitabdan istədiyim zövqü ala bilirəm. Əgər həqiqətən maraqlıdırsa. Kitab indiyə qədər oxuduğum 2-ci maraqlı və həyacan verici kitab idi. Birincisi, yazar kimi gənc yazar Zaur Pənahovun Qaranlıq Günəş romanı idi. Yazılmış bu roman Azərbaycanda dərin düşüncənin var olduğunu və bunun uğurla romanlarda əks etdirildiyinin bir daha sübutudur. Hətta belə deyərdim ki, bu roman hal-hazırda Azərbaycanın müasir ədəbiyyatında detektiv janrda yazan yazarlarla rəqabət aparacaq dərəcədə gözəl və maraqlı roman alınıb. Yazıçının digər üstünlüyü hərbiçi olması və polkovnik-leytenanta qədər yüksəlməsidir. Məntiq və hərbiçi dəqiqliyi romanı öz müsbət təsirini daha qabarıq şəkildə göstərib. Hadisə həyəyacanlı və yazıçının oxuyucunun beynin də yaratdığı suallar oxuyuca kiçik ayrıntılara fikir verməyini çətinləşdirməklə yanaşı romanı daha da maraqlı edir. Hər bir ayrıntıya yazıçı ilə detaylı şəkildə əhəmiyyət verilib. Bəzi sualların cavab verilməsə də, bu yazıçının ilk kitabı olduğuna və romanın axıcılığına görə elədə diqqət verilməməlidir. Romanın  şahmat qaydaları ilə aparılması ayrı mövzüdür. Roman da şahmat terminləri işlədilməsi insanlarda şahmata olan həvəsi daha da artırır. Yazarın müsahibəsini təqdim edirik :

 

  1. Zəhmət olmasa özünüz haqda qısa məlumat verin.

 

Elburus: Elburus Kəlbiyev 17.05.77-de Lerik rayonunun Cayrud kəndində anadan olmuşam. 94-də orta, 98-də Ali Hərbi Məktəbi psixoloq ixtisasi üzre bitirmişəm. 2016-ci ilədək milli ordumuzda zabit kimi xidmət etmişəm. Polkovnik-leytenant rütbəsində ehtiyyata çıxmışam. Son vəzifəm hərbi hissə komandir  müavini olmuşdu. 5 yaşımdan şahmat oynayıram.

 

  1. Niyə tanınmış yazıçılarla rəqabət aparacaq qədər maraqlı romanı sosial şəbəkələrdə reklam etməmisiz ? Demək olar ki, heç bir sosial şəbəkə də kitabınız haqda məlumat yoxdur.

 

Elburus: Romanima yuksek dəyər vərdiyinizə görə sizə dərin minnətdarliğimi bildirirəm. Facebook da kitabin adinda səhifə açılıb. Shahmat qaydalariyla qetl. Facabook da səhifənin adını belə qoyublar. Öz profilimdə də paylaşım edirəm. Həm dostlarım, həm də oxuculardan çoxu paylaşım edirlər. Bir çox qruplarda da paylaşmışam. Saytında da kitab barəsində yazmışdılar.

 

  1. Kitabı nə vaxtdan qələmə almağa başlamısız ?

 

Elburus: Bəlkə 5 ildən çoxdur bunu yazmaq istəyirdim. Bir dəfə əlyazma xeyli yazdım. Sonra nəsə kənara qoydum. Təxminən 5-6 ay əvvəl yənidən başladım. Nəhayət bitirdim. Ən qorxduğum nüans hadisələrdə zəncirin ve məntiqin qırılması idi. Bu səhvi mənə heç kim bağışlamayacaqdı. Ona gorə də bu istiqamətdə o qədər fikirləşdim ki, dəfələrlə geri qayıdıb hansı adamın harada qalıb nə işlə məşğul olmasını dönə-dönə yada salmışam.

 

  1. Kitab da baş verən hadisələr real hadisələrə əsaslanır yoxsa tamamilə təxəyyülünüzün məsuludur ?

 

Elburus: Bash vərən hadisələr tam olaraq təxəyyülümdür.

 

  1. 23-cü səhifədə Aşurun 60 yaşlarında olduğunu qeyd etmisiz.  60 yaşlarında dedikdə, daha çox 60-70 yaş arasında bir yaş nəzərdə tutulur. Ancaq 24-cü səhifədə Aşur “Mən yaşadığım 59 ildə birinci dəfədir ki bu rayona gəlmişəm.”qeyd edilib. Kubalinin dili ilə desək, bunu kiçik səhv adlandırmaq olar?

 

             Elburus: Səhv etmirəmsə, Aşurun yaşını prokuror 60 yaşlarında olaraq təxmin etmişdi. O bir il səhv edə bilərdi.

 

  1. Başqa kitab yazmağı fikirləşirsiz?

 

            Elburus: İkinci kitabin yarıdan çoxunu yazmışam. Allah qoysa, sentyabra qədər bitirəcəm. Dedektiv olacaq. Lakin şahmatla bağli olmayacaq. Qəhrəman ise eyni olacaq.

 

  1. Suallardan hansı sizə daha maraqlı gəldi ?

 

         Elburus:  Bütün suallarınız maraqli idi. Romanla bu qədər yaxından maraqlandığınıza, yüksək qiymət verdiyinizə, müsahibə aldığınıza görə sizə təşəkkür edirəm. Hər zaman sizin suallarınıza cavab verməyə hazıram.

Müəllif : Təşəkkür edirəm. Maraqlı həmsöhbət oldunuz.

Rəsmə görə “kitab_21” səhifəsinə təşəkkürlər.

BIR CAVAB BURAXIN

Rəyinizi daxil edin
Adınızı daxil edin