Respublika Uşaq Kitabxanasının təşkil etdiyi online görüşlər davam edir

Bakı şəhəri Xətai rayonu 95 nömrəli məktəbinin 2-ci sinif şagirdləri, məktəbin təşkilatı işlər üzrə direktor müavini Vüsalə Məmmədova, yazıçı, şair, pedaqoq, filologiya elmləri doktoru, professor Zahid Xəlil və F. Köçərli adına Respublika Uşaq Kitabxanasının direktoru, Əməkdar mədəniyyət işçisi Şəhla Qəmbərova arasında online görüş keçirilib.
AZƏRTAC xəbər verir ki, görüş Türkiyədə qeyd olunan Milli Suverenlik və Uşaq Bayramı Günü, Ümumdünya Kitab və Müəlliflik Hüququ Gününə həsr edilib.
V.Məmmədova bu əlamətdar günlər haqqında uşaqlara ətraflı məlumat verib, şagirdləri təbrik edərək onlara mütaliə etməyi məsləhət görüb.
Görüşdə iştirak edən Zahid Xəlilin uşaqlar üçün yazdığı şeir və hekayələri uşaqların ifasında səslənib. Sonra yazıçı ona verilən sualları cavablandırıb.
Görüşdə çıxış edən Ş.Qəmbərova bütün uşaqları bu əlamətdar gün münasibətilə ürəkdən təbrik edərək, onlara sağlam, xoşbəxt və uğur dolu həyat arzulayıb. Ş.Qəmbərova çıxışında bir daha kitab və kitabxanaların, mütaliənin əhəmiyyətini vurğulayıb. O, uşaqlara dünyagörüşlərini artırmaq, özlərini sərbəst ifadə etmək üçün mütaliə etməyi tövsiyə edib.

Mənbə:AZƏRTAC

BIR CAVAB BURAXIN

Rəyinizi daxil edin
Adınızı daxil edin