Qazaxıstanda faciə.. 52 Özbəkistan vətəndaşı həyatını itirdi..

Türk dünyasına faciə üz verib.. Belə ki, bu gün Qazaxıstanın Aktübinsk (Aktobe) vilayətində Samara-Çimkənd avtomobil yolunda sərnişin avtobusu qəzaya uğramışdır.

Qazaxıstanın Fövqəladə Hallar üzrə Komitəsinin rəsmi nümayəndəsi Ruslan İmankulov hadisə haqda mətbuata məlumat verib. Səhər saatlarında baş vermiş hadisə zamanı avtobusda 55 sərnişin, 2 sürücü  var imiş. “İkarus” markalı avtobusun alışması nəticəsində 52 nəfər yanaraq həyatını itirmişdir. Xəstxanaya çatdırılan 5 yaralının vəziyyətinin isə ağır olduğu deyilir.

Hadisənin baş verməsi ilə bağlı ilkin ehtimal Qazaxıstan Fövqəladə Hallar İdarəsi tərəfindən açıqlanıb.

Bildirilib ki, avtobusun naqillərində qısaqapanma olub və qapılar bloka düşüb.

Digər versiya isə şahidlər tərəfindən səsləndirilib. Onlar sərnişinlərin avtobusda lampa vasitəsi ilə qızındığını bildiriblər. Bu zaman iki sərnişin arasında mübahisə baş verib. Sərnişinlərdən biri digərinə neftlə dolu butulka atıb. Butulkanın lampaya dəyməsi nəticəsində avtobusda yanğın baş verib.

Qeyd edək ki, avtobusdakı şəxslərin hər biri Özbəkistan vətəndaşı imiş və Qazaxıstan İstintaq Komitəsi avtobusun sərnişin daşımaq üçün lisenziyasının olmadığını açıqlayıb.