Qəm pəncərəsi..

O ərəbcə deyir mən firəngcə..Bəs necə olur o deyəndə anlayırsız,mən deyəndə anlamırsız?!

Yəqin ki,çoxunuz bu filmdən fraqmentləri izləmisiniz..Hal-hazırda sosial şəbəkələrdə xüsusilə “Ölülər“əsərinin ən yadda qalan obrazlarından olan Kefli İsgəndərin (Fəxrəddin Manafov) məsciddəki “çıxışı“ daha çox paylaşılır..Elə bu səbəbdən də bəndəniz məqaləsinə onun məşhur cümlələri ilə başladı..

Rejissoru və ssenari müəllifi Anar olan bu film böyük dramaturqumuz Cəlil Məmmədquluzadənin ən dəyərli əsərlərinin məcmusu kimi tamaşaçılara təqdim edilmişdir..

Filmdə əsas obraz olan Mirzə Cəlili Həsənağa Turabov ifa edir.Yoldaşı Həmidə xanıma (Elmira Şabanova) müraciət edən Mirzə Cəlil baş vermiş hadisələr barədə ona məlumat verməkdədir..

“Danabaş kəndinin əhvalatları“ və “Danabaş kəndinin müəllimi“ əsərləri əsasında lentə alınmış film müasir günümüz üçün aktual,maarifləndirici və yüksək səviyyədə olsa da,onu uğursuz hesab edən kino tənqidçilərimiz də vardır..Lakin,bütün tənqidlərə rəğmən,“Qəm pəncərəsi“filmi geniş tamaşaçı kütləsi tərəfindən sevilən,insanları avamlıqdan,cahillikdən qurtarmaq üçün ərsəyə gətirilmiş bir sənət əsəridir..  C.Cabbarlı adına kinostudiyanın pavilyonundan əlavə,Bakının Digah kəndi,qədim ərazimiz – İçərişəhər,Şamaxının Zarat kəndi,Qobustan,Qaraçı karvansarası və İsmayıllının Lahıc kəndi filmin çəkildiyi ərazilər sırasındadır..

Dövrünün ən qabaqcıl incəsənət xadimlərini ssenaristi,resjissoru olduğu filmlərə dəvət edən Anarın imzası olan hər iş böyük marağa səbəb olur və tamaşaçıların diqqətini özünə cəlb etməyi bacarırdı..

30 ildən artıqdır ekranlarda nümayiş edilən film bu gün də həm televiziya izləyicilərinin,həm də sosial şəbəkə istifadəçilərinin maraq dairəsindədir..

Müəllif : Fəridə Həmidzadə

 

 

BIR CAVAB BURAXIN

Rəyinizi daxil edin
Adınızı daxil edin