Psixoloji temperamentini de,deyim kimsən..

Son zamanlar psixologiyanın inkişafı cəmiyyətə siraət etməyi bacarmışdır. İnsanlar artıq bu sahə ilə daha çox maraqlanır və müxtəlif psixoloji testlərə,psixoloji seminarlara meyl göstərirlər. İnsan psixologiyasında ən mühüm faktorlardan biri də onun temperamentidir ki,bir növ onun psixoloji kimliyidir. Psixoloji temperamentlərdən hər biri bizdə sezilməkdədir.Lakin,onlardan biri daha yüksək olaraq “dominantlıq hüququ” alır. Bəs,siz hansı psixoloji temperamentə aid edilirsiniz? Temperamentlərin xüsusiyyətlərini oxuyaraq bu suala cavab tapa bilərsiniz..

Əgər siz:
1. səbrsizsiniz
2. insanlarla münasibətdə bir qədər kobud,sözü birbaşa deyənsiniz
3. bir yerdə qərar tuta bilməyən,səs-küylüsünüz
4. özünüzdən tez çıxırsınız
5. fasilələrlə işləyirsiniz
6. kin saxlamırsınız
7. digərlərinin əskik cəhətləri siz özünüzdən çıxarır
8. qərarlı və təşəbbüskarsınız
9. aqressivsiniz
10. inadkarsınız
11. kəskin emosional hərəkətlər edirsiniz
12. həmişə yeniliyə can atırsınız
13. mübahisədə hazırcavabsınız
14. riskə gedirsiniz
15. məqsədinizə çatırsınız
16. tez qərar qəbul edə və hərəkət edənsiniz
17. tez-tez əsəbləşirsiniz
18. nitqiniz qırılan,sürətli,dəyişkən intonasiyalıdır
19. ifadəli mimikanız var
20. əhvalınınz tez-tez dəyişir: o zaman siz XOLERİKsiniz;

Yox,əgər siz:
1. şən və həyatsevərsiniz
2. enerjili və işgüzarsınız
3. çox vaxt başladığınız işi sona çatdırmırsınız
4. öz qabiliyyətlərinizi həddən çox böyütməyə meyllisiniz
5. yeniliyi tez başa düşə bilirsiniz
6. maraqlarınız və meylləriniz sabit deyil
7. xoşagəlməzlik və uğursuzluqları tez unuda bilirsiniz
8. müxtəlif şəraitlərə tez uyğunlaşa bilirsiniz
9. istənilən işə həvəslə girişirsiniz
10. iş sizi daha maraqlandırmayanda ondan tez soyuyursunuz
11. bir işdən digərinə asanlıqla keçə bilirsiniz
12. hər gün təkrarlanan rejimdən tez bezirsiniz
13. ünsiyyətcil və qayğıkeşsiniz, yeni adamlarla ünsiyyətdə utancaqlıq hiss etmirsiniz
14. işgüzar və dözümlüsünüz
15. yüksək səslə danışırsınız, nitqiniz sürətli, aydın ve jestlərlə zəngindir
16. gözlənilməz və çətin situasiyada özünüidarənizi itirmirsiniz
17. həmişə çevik və şən əhvalınız var
18. tez yuxuya gedə və oyana bilirsiniz
19. qərar qəbul edərkən tələskənlik nümayiş etdirirsiniz
20. hadisələrin mahiyyətinə varmadan, üzdən yanaşırsız: siz SANQVİNİNKsiniz;

Ola bilər ki siz:
1. sakit və soyuqqanlısınız
2. işlərinizi sabit və ardıcıl şəkildə yerinə yetirirsiniz
3. ehtiyatlı və mühakimə edənsiniz
4. gözləməyi bacarırsınız
5. susmağı üstün tutan və boş-boşuna danışmağı sevmirsiniz
6. sakit, taraz nitqə maliksiniz, jestlərə və mimikaya yer vermirsiniz
7. səbrli və özünüidarə etməyi bacaransınız
8. başladığınız işi həmişə sona çatdırırsınız
9. boşuna qüvvə sərf etməyi sevmirsiniz
10.işdə, həyatda sabit rejimə əməl edirsiniz və sistemliliyi sevirsiniz
11. asanlıqla emosiyalarınızı tuta bilirsiniz
12. tənqid və ya tərifə az əhəmiyyət verirsiniz
13. ünvanınıza kobud söz desələr fikir verməzsiniz
14. öz maraq və münasibətlərinizdə sabitsiniz
15. işə yavaş-yavaş girişirsiniz və ondan gec qopursunuz
16. hamı ilə münasibətlərdə sabit və eynisiniz
17. hər şeydə səliqə-səhmanı sevirsiniz
18. yeni şəraitə çətinliklə öyrəşirsiniz
19. dözümlüsünüz
20. bir qədər astagəlsiniz: onda FLAQMATİKsiniz

Son olaraq:
1. öz qüvvənizə inanmırsınız
2. tez-tez özünüzə qapanırsınız
3. uğursuzluq hallarında qəmgin olur və ümidinizi itirirsiniz
4. utancaq və çəkingənsiniz
5. tez yorulursunuz
6. yeni insanlarla ünsiyyətə girməyə çətinlik çəkirsiniz
7. yeni şəraitdə özünüzü itirirsiniz
8. tənhalığı sevirsiniz
9. tez kövrəlirsiniz
10. özünüzdən asılı olmayaraq opponentinizin xarakterinə uyğun hərəkət etmeyə başlayırsınız
11. sakit nitqə maliksiniz
12. sizi incitmək asandır
13. özünüzə və ətrafdakılara çox böyük tələblər irəli sürürsünüz
14. az fəal və çəkingənsiniz
15. çox həssas və tez inciyənsiniz
16. tənqidə və tərifə çox fikir verirsiniz
17. ünsiyyəti sevməyən və qapalısınız, fikirlərinizi heç kəslə bölüşmürsünüz
18. çox adama şübhə ilə baxırsınız
19. tabe olan və öz mövqeyinizi başqalarına güzəştə gedənsiniz
20. başqalarının sizə yazığı gəlməsini istərdiniz: deməli MELANXOLİKsiniz.

 

BIR CAVAB BURAXIN

Rəyinizi daxil edin
Adınızı daxil edin