Özünəinamın 15 şərti (3-cü hissə)

Karyera və şəxsi həyatda uğur qazanmaq üçün ən vacib ünsürlərdən biri də özünəinamın olmasıdır..Öncəki paylaşımlarımızda özünəinamın 10 şərtini qeyd etmişdik..Bu gün isə sizi digər şərtlərlə tanış edəcəyik..Ekrana yaxın əyləşin. 🙂

Hadisələrin monotonluğu,problemlərin qarışıqlığı sizi yorursa,mütləq bir çıxış yolu tapmaq lazımdır.Bunun üçün tək qalmaq,ürəyinizin səsini dinləmək,sevdiyiniz işlərlə məşğul olmaq sizə yardımçı olacaqdır..

Və ya əksinə..Siz insanlarla ünsiyyətdə olarkən özünüzü daha yaxşı hiss edirsinizsə,bu sizə daha çox motivasiya verirsə,bu yolu seçin.Yaxınlarınız – bacı-qardaşınız,valideynləriniz, dostlarınızla söhbət edin..Söhbət əsnasında həm özünüz güc almağa,həm də onlara yardım etməyə çalışın.

«Mən»inizi həddən ziyadə qorumayın, çünki o, siz düşündüyünüzdən də möhkəm və plastikdir. O, «əyilir», amma «sınmır». Unutmayın ki, «Mən»inizin qısamüddətli emosional zərbə alması fəaliyyətsizlikdə və izolyasiyada olmasından daha yaxşıdır.

Özünəinam üçün mühüm şərtlərdən biri məqsəddir.Gələcək üçün uzaq və ciddi məqsədlər seçin.Unutmayın ki,uzun və ciddi məqsədlərə gedən yolda sizi kiçik və daha asan məqsədlər gözləyir.Uğurlarınızı nəzərdən keçirin.Özünüzü dəyərləndirməkdən və tərifləməkdən qorxmayın.Bu özünüzü daha yaxşı hiss etməyiniz və özünüzə inam üçün müsbət tərif edəcəkdir.

Pessimizmi maqnit kimi özünüzə çəkməyin.Passiv həyat tərzindən qaçın.Daim zirvəyə yüksəlməyə can atın.Əgər siz özünüzə inamlısınızsa, onda maneə sizin üçün çağırışa çevrilir, çağırış isə sizi fəaliyyətə təhrik edir. Bu zaman utancaqlıq geri çəkiləcək, ona görə ki, «necə yaşamaq lazımdır fikri» ilə narahatlıq keçirmək əvəzinə siz həyatı yaşamağa başlayacaqsınız.

BIR CAVAB BUR