Özünəinamın 15 şərti.. (1-ci hissə)

Hər birimiz məqsədlərimizə çatmaq,illərlə uğrunda çalışdığımız hədəflərə nail olmaq istəyirik. Uğur qazanmaq üçün ən vacib vasitələrdən biri özgüvən, özünəinamdır.. Lakin, bəzilərimizin özgüvəni zəif olduğu üçün nə qədər çalışsaq,mübarizə aparsaq belə “bəlkə olmadı?“ “birdən alınmaz“ kimi cümlələr qarşımıza sədd çəkir..Elə isə bu məqaləni məhz özünəinamını artırmaq istəyən kəslərə həsr edirik..

Bir vərəq və bir qələm götürün.Vərəqi iki hissəyə bölün.Bir tərəfdə güclü,digər tərəfdə zəif cəhətlərinizi qeyd edin.Potensialınızı dəqiqləşdirdikdən sonra məqsədinizin nə olduğuna qərar verin.

Sizin üçün ən qiymətli olanı düşünün..Bu bir ailə üzvünüz,doğma şəhəriniz və ya elə uğrunda çalışdığınız məqsəd ola bilər.Nəyə inandığınıza,nədən güc aldığınıza diqqət edin.Məsələn,açıq havada gəzmək sizə xoş təsir bağışlayırsa,günün minimum 1 saatını açıq havada keçirməyə çalışın..Gələcək “siz“i təsəvvür edin..Özünüzdə bir imic formalaşdırın. Bu imic “gələcək mən“ olsun..Onu özünüz üçün ideala çevirin və o olmağa çalışın..

Keçmişdə baş vermiş səhvlərinizə kədərlənmək əvəzinə hərəkətə keçin. Yenə də səhvlərinizi bir vərəqə qeyd edin.Atdığınız yanlış addımların bu günki həyatınızda hansı mənfi nəticələrə yol açdığını təhlil edin.Bu həm eyni yanlışı gələcək həyatınızda bir daha etməyəcəyinizə,həm də xarakterinizdə hansı zəifliklərin olduğunu sizə bildirmiş olacaq.

Keçmiş səhvləriniz ucbatından sizdə yaranan peşmanlıq,günahkarlıq,xəcalət kimi hissləri özünüzdən uzaqlaşdırın.Onsuz da ikinci bir şans verilməyəcək ki,siz həmin zamana dönərək öz səhvinizi düzəldəsiniz..Səhvlərdən nəticə çıxarmaq gərəkdir,peşman olmaq yox. 🙂

İnsanlarla davranışınızda hər hansı qüsur olduğunu düşünür və bunun sırf sizin şəxsiyyətinizlə bağlı olduğunu hesab edirsiniz? Yanılırsınız.. Unutmayaq ki,insanlarla rəftarımız emosiyalarımız,hiss və həyəcanlarımızla bağlıdır..Bizim şəxsi keyfiyyətlərimizlə heç bir bağlılığı yoxdur demirik..Lakin,həmin andakı psixoloji vəziyyətimiz şəxsi keyfiyyətlərimizi üstələmiş olur..

Müəllif : Fəridə Həmidzadə

BIR CAVAB BURAXIN

Rəyinizi daxil edin
Adınızı daxil edin