Get more stuff like this
Subscribe to our mailing list and get interesting stuff and updates to your email inbox.
Thank you for subscribing.
Something went wrong.
Bu gün hava çox isti idi..Yayın istisinə nifrət etməyim bir ayrı,işlərin yorğunluğu bir ayrı..“Mən özümü mükafatlandırmalıyam“ düşüncəsi ilə Sülh küçəsindən tez-tez addımlarla gedirəm..
Qulaqlığı telefona birləşdirib Sumqayıtı gəzirəm..Və birdən qarşıma daha əvvəllər heç olmadığım bir mağaza çıxır.. Üzərində “Old Taylor“ yazılan mağazaya daxil oluram.. İçəri daxil olan kimi təəccüblənirəm.. “Bəlkə yanlış gəlmişəm?!“ – deyə düşünüb geri addımlamağa başlayırdım ki..xoş simalı satıcı mənə yaxınlaşır..
– Xanım,xoş gəlmişsiniz,sizə necə yardım edə bilərəm? – deyə sual verir..
Ona almaq istədiyim nəsnəni izah edir və asılqandan asılmış T-shirt-lərə nəzər yetirirəm.
-Aha,bu qırmızı T-Shirt-ü alacam – deyib,qarderoba yaxınlaşıram..
T-shirt-ü alacağımı dəqiqləşdirdikdən sonra büküb qarderobdan çıxırdım ki,bir daha təəccübləndim.. Qarderobun yanında yerləşən şkafın ətrafında tarixi şəxsiyyətlərin və eyni zamanda türkçülük üçün önəmli isimlər olan – Heydər Əliyev,Mikayıl Müşfiq,Xəlil Rza Ulutürk,Əbülfəz Elçibəy,Atatürk,Əbdürrəhman bəy Fətəlibəyli (Düdəngiski) və s. fotoşəkilləri asılmıışdır..Bir türkçü kimi çox qürurlanaraq mağazanı gəzməyə başlayıram..
Çox fərqli üslubda olan mağazanın bir divarına keçən əsrdə fəaliyyət göstərmiş futbolçuların rəsmləri,digər tərəfdə keçən əsrdə istifadə edilmiş əskinazların və ondan yuxarıda isə dahi Albert Eynşteynin fotoşəkli yapışdırılmışdır.
“Hələ tamamlanmamış evə köhnə əşyaların yığıldığı“ bir məkanı xatırladan mağazadan aldığım T-Shirt-ü kassaya təqdim edirəm..
-Bağışlayın,bəy,bu mağazanın dizaynını kim düşünüb? – deyə satıcıya sual verirəm..
Təccüblənən satıcı “Xanım,dizaynımız xoşunuza gəlmədi? Hamısını özümüz düşünmüşük.“- deyərək məndən cavab gözləyir..
-Əksinə,çox xoşuma gəldi – deyib ona və bu işdə əməyi keçən hər kəsə dərin təşəkkürümü bildirərək mağazanı tərk edirəm..
“Demək ki,gənclər arasında tarixi şəxsiyyətlərimizə önəm verən,türkçülüyümüzü təbliğ edən kəslər düşündüyümdən də çox imiş“ fikri ilə evə doğru addımlayır,bir daha qürur hissi keçirirəm..
Müəllif : Gülər Kərimova
