Ölkəsini 300 il irəli aparan imperator..

Onun mənim ölkəm üçün yürütdüyü siyasət vətən tarixşünaslığında onu mənfi obraz kimi tanıtdırıb.. Amma öz vətəninin tarixi üçün o bir xilaskar, bir lider hesab edilir. Bu şəxs feodal qaydaları ilə idarə olunan, geridə qalmış ölkəsini 300 il irəli apararaq avropalaşdıran, müasirləşdirən, onu dünyanın ən qabaqcıl ölkələrindən birinə çevirən şəxsiyyətdir. Bu şəxs I Pyotrdur.
Onu sevib sevməməyimdən asılı olmayaraq deməliyəm ki, Pyotr dahidir! Gəlin sizə 17-ci əsr Rusiyasının məişət həyatını qısa bir xətlə cizim.. Uzun saqqallı, nimdaş paltarlı kişilər, indi məişətdə qadınların istifadə etdiyi önlükləri gündəlik həyatlarında istifadə edən, olduqca baxımsız xanımlar..
Bəs Pyotr nə etdi? Çox sadə.. Vergi.. Kişilər uzun saqqal saxlasalar vergi vermək məcburiyyətində olacaqdılar.. Sonra rus kişilərinə müxtəlif pariklərdən istifadə etməyi, uzun corablar geyinməyi təlqin etdi. Axı Pyotr özü də belə idi..
Qadınlar… Qadınlar isə önlüyə bənzər paltarlarlarından çıxaraq bal paltarlarına bənzəyən geyimlərdən, ətirdən istifadə etməyə başladılar. Bütün bunlar Rusiyanın avropalaşması demək idi..

Avropalılar Qriqori təqvminə keçsələr də, bizim çar nəsə bunu hələ qəbul etməmiş və Yulian təqvimini öz ölkəsinə rəva bilmişdi. Bir bildiyi vardır əlbət..
Hə.. Gəldik dövlət üçün ən mühüm məsələyə.. Bir dövlətin tam yaşaması üçün nə lazımdır? Əlbəttə ki, pul. İqtisadiyyatı inkişaf etdirdi bacarıqlı çarımız. Ona qədər 10 manufaktura var idisə onun gəlişindən sonra nəinki manufakturalar artdı, həm də fabriklər yarandı. Bu da ixracatı artırdı.. Artıq şimal qonşumuz xaricə əmtəə ixrac edirdi..
Hələ bununla bitmir… Məsələlərin ən mühümü qaldı.. Elm.. Elmdə də Pyotr irəliləyiş etmiş oldu.. Müasir elmlərdən xəbərsiz bir şimal ölkəsi.. Avropadan çox geri qalır.. Bu an Rusiya taxtına bir qəhrəman çıxır ki, ənənəvi çarlardan çox fərqlənir. O hər sənəti öyrənməyə meyllidir. Gəmiçiliyi belə öyrənən Pyotr Moskvada da bu sahəni tədris edən məktəb açdırmışdır.
Elə təkcə Rusiya Elmlər Akademiyasının yaradılması sübut edir ki, Pyotr öz vətəninin savadlanması üçün nə qədər böyük işlər görmüşdür..
Daxili siyasəti ilə yanaşı, I Pyotr xarici siyasətdə də vətəni üçün çalışırdı. Ən başlıca siyasəti işğal idi ki, ölkəmiz də bundan ziyan çəkərək ağır nəticələrinin şahidi olmuşdur.. Və mən bu məqaləmdə Pyotrun ölkəmizə vurduğu zərərlərdən danışmaq istəmirəm. Bu gün böyük rus çarının müsbət tərəflərini çatdırmaq istədim.. Təbii ki, öz ölkəsi üçün müsbət tərəflərini nəzərdə tuturam.. Güman edirəm oxucularımız üçün maraqlı bir məqalə hazırlaya bildim..

Müəllif: Fəridə Həmidzadə

BIR CAVAB BURAXIN

Rəyinizi daxil edin
Adınızı daxil edin