Necə pul qazana bilərəm?

Pul. Pul nədir? Bir kağız parçasıdır. Bir mənası varmı? Səhraya, ya da bir adaya düşsəniz milyon dollarınız olsa nə edərdiniz? O pul sizə kömək edə bilərmi? Ona görə də heç bir mənası yoxdur. Pul – kağız pul bir şeyin işarəsidir. Biz gedərik bir yerdən bir şey alarıq, bir vəzifəni yerinə yetirərik, əvəzində pul verərik və ya alarıq.Burada bir dəyişkənlik var. Ver-al məsələsi. Kuantumda belə deyilir. Bənzər bənzəri çəkər. Hər şeyə enerji gözüylə baxsaq həyatı anlamağımız asanlaşar. Pul bir enerjidir. Bolluq,bərəkət enerjisidir. Əgər, burada enerjinin yer dəyişməsi əsasdırsa və o enerji bizə gəlib çatmırsa, deməli,burada bizimlə əlaqədar bir sıra problemlər var. Bizlə əlaqədar şüuraltımızda bəzi sıxıntılar var ki, bu enerji bizə gəlmir. Çünki,kuantumda deyilir ki,bənzər enerji bənzəri çəkər. Əgər mənim pul şüuraltı frekansım yüksək dərəcədə deyilsə,deməli mənim enerjini (pulu) özümə çəkə bilməyim mümkünsüzdür. Hər şey enerji dedik. “Bolluq,bərəkət də bir enerjidir” dedik. Pul sadəcə görünən bir üzü. Yaxşı, bolluq, bərəkət dediyimizdə yalnız pulmu gəlir ağlımıza? Xeyr. Ətrafınızda dostlarınız varsa, evinizdə yemək- içməyiniz varsa, mərhəmət,sevgi,dostluq,ailə,bunlar varsa , deməli bunlar da bolluq,bərəkətə aiddir. Amma daha çox insanlar pulun tıxanlığından narahat olduqları üçün pul haqqında yazacağam.

Kuantumda deyilir ki,nəyi çox düşünsək o qarşımıza çıxar, başımıza gələr. İnsan zehni varlıqdan çox yoxluğa köklənib. Əgər,siz gün ərzində varlıqdan çox yoxluğa köklənsəniz, avtomatik olaraq enerji varlığa yox , yoxluğa köklənəcəkdir. Enerji yoxluğa dönüşəcəkdir. Belə düşünək ki, sizin borclarınız var, borclarınız da gün ərzində yadınıza düşür tez-tez. Tutaq ki, kirayə pulunu ödəməyin vaxtıdır və ödəməyə pulu haradan tapacağınızı düşünürsünüz. Nə baş verir bu zaman? Bu zaman sizin şüuraltınızda yoxluğa kökləndiyinizdən frekansınız düşür. Belə olanda da, beyin analiz edir. Ən çox nəyə köklənmisinzsə onu sizin qabağınıza qoyur. Ona görə də, bundan danışacağam. Niyə sizin zehniniz yoxluğa meyil edir? Niyə qıtlıq şüuraltına bu qədər meyliniz var? Burada belə bir sıxıntı var. Yenə eyni halla rastlaşırıq. Əsas məsələ 0-7 yaş arasındadır. Çünki,bu yaşda beyin ailədə-anada,atada gördüklərini yığır, bütün kodlaşdırmanı həyata keçirir və ömür boyu yaddaşda saxlayır və nə aldıqsa lazım olduqda gətirib qabağımıza qoyur. Misal: Bəlkə də,ana və atanızın davasına şahid olmusunuz. Bəlkə ananız, ya da atanız ” pul çətin qazanılır “, “Pul əl çirkidir ” dedi. Bu kimi sözləri siz nə edirsiniz? Düzgünmüş kimi qəbul edirsiniz. Sonra da bu mövzunun üzərinə düşmədikcə beyninizdə bu sözlər həmişəlik qalır və həyatı özünüz üçün çətinləşdirirsiniz.

İndi fikir verək daha çox pulsuzluqdanmı şikayətlənirik, yoxsa varlı olsaq nə edəcəyimizdənmi?

Tanıqlarımızdan görərik ki, bəzi adamlar həmişə -pulum yoxdur- deyərlər. Bunu şikayət halına gətirərlər. Ona görə öz sözlərinizə də fikir verin. Kiminləsə danışanda pulsuzluqdan danışırsınızmı?Pulsuzluqdan şikayət edirsinizmi? Çünki, nə demişdik? Hər şikayət kainata verilmiş bir təkrarlanma əmridir. Siz şikayət etdikcə şüuraltınız pulsuzluğu istədiyinizi düşünüb onu təkrar- təkrar sizə gətirər. Özünüzə bir neçə sual verməlisiniz. Amma özünüzə dürüst olun ki, çarə tapa biləsiniz.

1. Pul haqqında nə fikirləşirsən?

2. Pul qazanmaq asandırmı?

3. Pul gözəl bir şeydirmi?

4. Pul sənin insanlarla əlaqənə təsir edərmi?

5. Pulu sevirsinizmi?

Bu suallar çox vacibdir. Çünki bəzi insanlar pulu istəyirlər. Amma pulu sevmirlər. Sanki pul çirkli bir şeymiş kimi. Pula toxunmağa belə iyrənən insanlar var.

Çox pul qazananlar haqqında nə düşünürsən?

Ya da bahalı maşın görəndə onun sahibi haqqında nə düşünürsən? Məsələn,halal yolla qazanıbmı? Ya haram yolla qazanıbmı? Ya da , valideyninin puluna alınıbmı? Bütün bu sualların cavabı sənə pulla arandakı əlaqəni göstərəcəkdir.

Pulsuzluq sizə xeyir verirmi? Bilirəm deyəcəksiniz ki, pulsuzluq necə xeyir verə bilər ki? Bəzi adamlar kasıb olduqları üçün xoşbəxtdilər. Yəni bəzi insanlar həm pulu istəyirlər, həm də pulun onlara gətirə biləcəyi həyatdan qorxurlar (El arasında – çox pulu olsa qudurar, adam saymaz kimi fikirlər ). Bəzi adamlar var kasıblıqdan qürur duyurlar. Özlərini super bir adam kimi görürlər. Sanki kasıblıq qabiliyyətmiş kimi (El arasında- kasıb, amma qürürlu. Kasıb adamlar, qeyrətli olar. Kasıb hər şeyin qədrin bilər və.s. ).

Pulu sevirsinizmi? Heç pulunuza baxıb – səni sevirəm – demisiniz?

Sonra özünüzə sual verin. Çox pulum olsa nə olardı? – deyə. Çünki bəzi adamlar çox pulu olsa sevilməz deyə düşünər, cəmiyyətdə yaxşı qarşılanmaz deyə düşünər. Çünki kasıb vaxtı başqalarının dedi-qodusunu edərkən, varlıların pulu haram yoldan qazandığını demişdir. Ya da varlılar özündən razı olur. Gəldikləri yeri unudur kimi sözlər danışmışdır.

Bəzi adamlar yoldaşının çox pulu olsa, onu tərk edəcəyini, ya da xəyanət edəcəyini düşünür. Ya da, çox pulu olsa başına daim oğurluq hadisələri gələr deyə düşünür. Bu da pulu uzaqlaşdırır sizdən. Bəzi adamlar var ki, pulun gəldiyi kimi getdiyini söyləyər. Səbəb? Səbəb, başqalarının haqqında neqativ danışmasıdır. Yəni, varlı birindən danışanda – Nə olsun ki, çox pulu var, əsas odur xoşbəxt deyil. Nə olsun ki, varlıdır, əsas odur ki,sevəni yoxdur. Ya xəsisdir,ya düşüncəsizdir, amma Allah ona var- dövlət verib və.s. Bunu deyərkən özlərinə deyirlər ki,nə yaxşı mən elə deyiləm, mən belə deyiləm.Mən halımdan məmnunam dedikcə pul gələr və gedər. Çünki sən kainata səndə olan qədərinə razısan və çox pulun olsa onlar kimi olarsan mesajını yollayırsan. Siz belə düşünün. Əgər siz insanlığa xeyir vermək istəyirsinizsə,bunu pulunuz olmadan çətin edəsiniz. Oysa pulunuz olsa çox adama əl tuta bilərsiniz bəlkə də. Bir insan varlı olmasa bir zavod açmasa, orada 5000 adam işləməsə həyat dövr etməz və bir də belə düşünün. Pul hər kəsə xeyir gətirə bilər, yaxşılıq naminə və şüurlu şəkildə istifadə olunduqda. Bizlər nəyəsə pul xərcləyəndə xərclədiyimiz məbləği düşünürük. Bir dəfə bir hadisəylə qarşılaşdım. Alış veriş edib rəfiqəmlə görüşdüm.Rəfiqəm elə xərclədiyi pulu sayırdı, sonra da pulunun az olmağından, pulsuzluqdan şikayətini bildirirdi. Mən isə ona – ya bu pulun da olmasaydı- dedim. O,isə indiyə kimi nə xərcləsə də şükür edir ki, sahib olduqlarına da sahib olmaya bilərdi.

Bir də belə bir şey var. Yəgin ki, hamımız bu məsəli eşitmişik. Bir gün bir adam pul istəyər. Nə etsə də pulu olmaz. Heyfislənər ki,başqalarının var,bunun yoxdur. Deyərlər ki, Allaha dua et sənin də olsun. Bu da dua edər. Amma heç nə alınmaz. Nəticə də son bir dəfə də dua edər. O zaman Tanrı cavab verər – Mən sənə pulun olmağı üçün hər şərait yaratdım. Amma sən heç olmasa bir lotereya alsaydın, arzuna da çatardın. Amma o qədər tənbəlsən ki, istəyirsən halva biş ağzıma düş olsun. Bundan sonra adam işləməyə başlayar.Hamıdan çox işləyər,az dincələr. Günün birində yaxşı çalışdığına görə müdiri onu köməkçisi edər.Yəni Allah deyir səndən hərəkət məndən bərəkət. Və bu hərəkətləri də etmək üçün öncə şüuraltımızı təmizləmək lazımdır. Məsəl var- Dəm dəmi çağırar, qəm qəmi. Yaxşını düşünün,yaxşılarla qarşılaşın. Günahları başqalarında yox özünüzdə görün. Çünki hər kəs sizin güzgünüzdür. Əgər duyduqlarınızdan narazısınızsa deməli hərəkət etmək vaxtı gəlib çatıb..

Yazar: Aliz Aladin

1 rəy

BIR CAVAB BURAXIN

Rəyinizi daxil edin
Adınızı daxil edin