Naməlum qadının məktubu

Müəllif:Bayram Yusifov

Bu əsər Avstriya yazıçısı Stefan Zvayq tərəfindən yazılmış novelladır. Məlumdur ki, bədii əsərlər müxtəlif mövzularda yazılır ki, bunlardan da geniş yayılmış mövzulardan biri sevgi mövzusudur. Bu novellanın əsas özəlliyi ondadır ki, dünya üzrə yazılmış sevgi əsərləri arasında ilk sıralarda yer alır. Əvvəlcədən qeyd edim ki, bu novellanı oxuyub təsirinə düşməmək mümkün deyil. İndi isə keçək əsərin süjet xəttinə.
Avstriyanın şəhərlərinin birində aşağı təbəqə insanlarının yaşadığı məhəllədəki binanın bir mənzilinə məşhur bir yazıçı köçür. Yazıçının bura köçməsi bütün qonşular kimi, 13 yaşlı bir qızın da diqqətini özünə çəkir. Önəmlisi isə odur ki, bu yeniyetmə gözəl qız ilk dəfədən həmin yazıçıya aşiq olur və bununla da qızın həyatında tamamilə fərqli bir səhifə açılır… Həmin gündən sonra qızın hər halında diqqəti yazıçıya cəmlənir; gecə gündüz onu düşünür, qapının balaca gözlüyündən saatlarla pilləkənlərə baxır ki, onu bəlkə görsün, çoxlu kitablar oxuyaraq özünü ona bənzətməyə çalışır. Bir sözlə, onun eşqi ilə yaşayır.
Bir müddət sonra müəyyən səbəbə görə məcburən anası ilə başqa bir şəhərə köçməli olur. Neçə illər ondan ayrı yaşamalı olur. Artıq gənc qız olmasına baxmayaraq heç bir oğlan ilə yaxınlıq etmir, sevdiyinə sadiq qalır. Bir neçə il sonra ailəsindən ayrılıb əvvəlki şəhərə qayıdır. Həmin sevdiyi ilə münasibət yaradıb onunla ayrı-ayrı vaxtlarda görüşür. Sonra ondan bir oğlu dünyaya gəlir. Uzun illər beləcə yaşayır. Sonda sevgisini ona bir neçə məktubla etiraf edir. Amma artıq gec idi…

BIR CAVAB BURAXIN

Rəyinizi daxil edin
Adınızı daxil edin