Muzey Mərkəzi sizi sərgiyə dəvət edir.

Muzey Mərkəzinin Sərgi Qalereyası baharın ilk günlərində sizi əfsanələr dolu sərgiyə dəvət edir.

Afsana Habibin “Favole” adlanan fərdi sərgisinin adı, italyan dilindən “nağıllar, əfsanələr” kimi tərcümə olunur. Bu baxımdan, sərginin adı, rəssamın adı ilə üst-üstə düşür: axı “favole” Azərbaycan dilində “əfsanə” deməkdir!

Rəssam Afsana Habib, gözəlliyə qiymət verənlər üçün 62 rəsm əsərin daxil olduğu, özündə “müəmma” və “tapmaca” ideyaları, bir çox mənaları və… oyunları birləşdirən ekspozisiya hazırlayıb. Əsərlərin əksəriyyəti dünya mədəniyyətinin “Venesiya karnavalı” kimi tanıdığı unikal hadisəyə həsr edilib və bu heç də təsadüfi deyil.

Rəssamın kətanlarında karnaval geyimləri həqiqətən çox təmtəraqlıdır. Bəs bu maskaların arxasında nə gizlənir? İlk baxışdan görürük ki, bu sərgidə bəzi Venesiya obrazları, belə desək, ümumiləşdirilib; digərləri isə, nisbətən, daha konkretdir. Karnaval maskalarının bu tapmacası çox sadə yolla həll edilir: ümumiləşdirilmiş obrazlar xəyalidir – digər sözlə, onlar büsbütün rəssamın özü tərəfindən uydurulub. Konkret obrazlar isə, bu və ya digər insanların portret təsvirləridir.

Atasına həsr etdiyi əsərlər Afsana Habibin ekspozisiyasında xüsusi yer tutur. Atası hətta təcili işlər görəndə belə, rəssamlıq məşğuliyyətini əlindən qoymurdu… Afsana isə uşaqlıqda onun əsgərlik illərinin albomunu, kalka kağızı üzərində diyircəkli qələmlə çəkdiyi şəkilləri vərəqləməyi çox sevirdi. Rəssam atasının kompozisiyalarından bəzilərini, qalın kətan üzərində, müasir rəssamlıq texnikalarını tətbiq etməklə yenidən canlandırıb. Qədir bilən və minnətdar qızın öz atasına sürpriz etdiyi sərginin açılış tarixi də təsadüfi seçilməyib – 5 mart, onun doğum günüdür…

Parisdə Luvrda ilk sərgidən sonra Afsana Habibin yaradıcılıq bioqrafiyasında, Roma, London, Moskva, Brüssel, Tbilisi, və dünyanın bir sıra digər iri şəhərlərində bir çox qrup vernisajları da yer almağa başladı. Beynəlxalq müsabiqələr iştirakçısıdır və bir çox müsabiqələr qalibidir. 2020-ci il ilin baharın ilk günlərində Afsana Habib tamaşaçılarına gözəlliyə və klassikaya sevgi kimi ümumiləşdirilmiş mövzu ətrafında bir araya gələn əsərlərdən ibarət geniş kolleksiyanın yer aldığı “Favole” fərdi sərgisini təqdim edəcəkdir.

Sərginin açılışı 5 mart 2020-ci il (giriş dəvətnamə ilədir)

Sərgi 6-8 mart 2020-cil il tarixlərində davam edəcəkdir.
İş saatları: saat 10:00-dan 18:00-dək
Ünvan: Muzey Mərkəzi, AZ 1095, Azərbaycan, Bakı ş., Neftçilər pr. 49
T.: + 99412 493 5883; +99450 273 2180
E.: museum@museumcenter.az / www.museumcenter.az

BIR CAVAB BURAXIN

Rəyinizi daxil edin
Adınızı daxil edin