“Muzey eksponatları şagirdlərin rəngli dünyasında” layihəsi uğurla davam etdirilir

AMEA-nın Milli Azərbaycan Tarixi Muzeyinin “Muzey eksponatları şagirdlərin rəngli dünyasında” adlı layihəsi uğurla davam etdirilir. Layihənin budəfəki eksponatları Muzeyin kolleksiyasından XIX əsrin yaz-yay Azərbaycan qadın geyimləridir.

Muzeydən AZƏRTAC-a bildirilib ki, layihədə iştirak edən Bakı şəhəri 132-134 nömrəli Təhsil Kompleksinin 8-ci sinif şagirdi, gənc rəssam Vəcihə Feyzullazadə rəngli dünyasında muzey eksponatlarına da yer verib. Azərbaycan qadınının Şəkidə, Şuşada, Bakıda, Gəncədə, Vətənimizin hər yerində, hətta XIX əsrdə də özünəməxsus bir yerinin olduğunu, hər guşəmizin milli ornamentlərini özündə əks etdirən geyimlərinin mövcudluğunu nümayiş etdirib.Qeyd edək ki, layihənin məqsədi məktəblilərə tarixə dair yeni biliklər vermək, hobbilərinə, gələcək peşə seçimlərinə yardım etmək və yenilik qatmaqdır.

Mənbə:AZƏRTAC

BIR CAVAB BURAXIN

Rəyinizi daxil edin
Adınızı daxil edin