“Muzey eksponatları şagirdlərin rəngli dünyasında” layihəsi uğurla davam etdirilir

Muzeydən AZƏRTAC-a bildirilib ki, layihənin budəfəki sayı İkinci Dünya müharibəsində qəhrəmanlıq salnaməsi yazan Sovet İttifaqı Qəhrəmanı Mehdi Hüseynzadəyə həsr olunub.“Mixaylo” ləqəbli əfsanəvi partizan həm də gözəl rəsmlər çəkirdi. Bakıda rəssamlıq məktəbini bitirən Mehdi Hüseynzadə müharibə dövründə də bu qabiliyyətindən məharətlə istifadə edərək hərtərəfli qəhrəman olduğunu tarixin səhifələrinə şərəflə yazdırıb.Layihədə iştirak edən Seyid Cəfər Pişəvəri adına Humanitar Fənlər Gimnaziyasının istedadlı şagirdləri Muzeyin Təsviri materiallar fondunda saxlanılan “Mixaylo”nun rəsm əsərlərinin oxşarlarını çəkərək unudulmaz qəhrəmana hörmət və ehtiramlarını ifadə ediblər.