Mustafa Kamal Atatürkün Öyrətmənləri-Qaqauziyada

1930 – cu illərdə Mustafa Kamal Atatürkün təlimatı ilə 80 nəfər müəllimdən ibarət bir heyət, tarixi bir missiyanı həyata keçirmək üçün, həmin vaxt Rumınyanın tərkibində olan Moldovaya göndərilir.

Moldovada qaqauzların yaşadıqları qəsəbə və kəndlərdə məskunlaşan bu müəllimlər, öz dillərini unutmaqda olan qaqauz türklərinə türk dilində təhsil verməyə başlayırlar.

İkinci dünya savaşına qədər Qaqauziyada fəaliyyət göstərən müəllimlər, çox sayda qaqauz aydınının yetişməsində misilsiz xidmətlər göstərməklə qaqauz xalqının böyük rəğbətini qazanırlar. Həmin dövrdə istedadlı gənclər arasından 200 – ə yaxın gənci seçərək, ali təhsil almaq üçün Türkiyəyə göndərirlər.

Moldaviyanın Sovet işğalına məruz qalmasından, sonra təzyiqlərə məruz qalan qaqauz türkləri, məhz həmin müəllimlərin öyrətdiklərinin sayəsində dillərini qoruyub saxlamağa müvəffəq olmaqla, assimilyasiya olunmaqdan xilas olurlar.

Bu gün də qaqauz türkləri “Kemalın öyretmenleri” dedikleri bu fədakar insanları və böyük öndər Mustafa Kamal Atatürkü sevgi və sayqı ilə yad edirlər.

Məlumatı bizə ulaşdırdığı üçün Orxan Cəbrayıl bəyə təşəkkür edirik.

BIR CAVAB BURAXIN

Rəyinizi daxil edin
Adınızı daxil edin