Get more stuff like this
Subscribe to our mailing list and get interesting stuff and updates to your email inbox.
Thank you for subscribing.
Something went wrong.
Azərbaycan Xalq Cümhuriyyətinin 100 illik yubileyi ilə əlaqədar Bakı Mədəniyyət Baş İdarəsi Yasamal rayon Mərkəzləşdirilmiş Kitabxana Sistemində (MKS) “AXC-nin yubileyi dövlətçilik tariximizdə əbədiləşdirildi” layihəsi uğurla həyata keçirilir. Layihə çərçivəsində Yasamal rayonunun kütləvi kitabxanalarında sərgilər, “dəyirmi masa”lar, söhbətlər, oxucu konfransları, səyyar mühazirələr təşkil olunur.
AZƏRTAC xəbər verir ki, Yasamal rayon MKS və “Vışka” qəzetinin redaksiyası oktyabrın 1-dən 10-dək “Müsəlman Şərqində ilk cümhuriyyət” adlı növbəti viktorina keçirəcək. Viktorinaya 30 sual Azərbaycan dilində, 30 sual isə rus dilində daxil edilib. Viktorinanın sualları “Vışka “ qəzetinin 28 sentyabr nömrəsində dərc olunub.
Viktorinanın qalibləri “Vışka” qəzetinə pulsuz abunə olmaq hüququ qazanacaq və fəxri fərmanla təltif olunacaqlar.
MƏNBƏ:AZƏRTAC
