Merlin Monro sindromu.

Psixoloji sindromlar,xəstəliklər barədə müəyyən məlumata maliksinizsə o zaman Merlin Monro sindromu barədə də eşitməyiniz mümkündür. Bəs,ünlü amerikalı aktrisanın adına niyə psixoloji sindrom olsun ki? Məsələ burasındadır ki,Merlin Monro qayğısızlıq və sevgisizlikdən əziyyət çəkirdi. Doğulduğu zaman atası tərəfindən rədd edilən, anası tərəfindən başqa bir ailəyə qəyyumluğa verilən Monro elə həyatının ilk illərində sevgisizliklə qarşılaşır. 7 yaşı olarkən ruhi dispanserə yerləşdirilmiş anaya sahib olan və 10-dan çox uşaq evlərində qalan,bundan da əlavə müxtəlif ailələrə qəyyumluğa verilən dünya ulduzu heç bir yerdə sevgiyə rast gələ bilmir. Bu onun sonrakı həyatına da dəlalət edir. Dəfələrlə uğursuz sevgi yaşamış ünlü kinoulduzu ayrılıqlarını məhz özünün günahı kimi qiymətləndirirdi. Həm yaşadığı dönəmdə, həm də illər keçməsinə rəğmən dünyanın “gözəllik ilahələri” ndən biri hesab edilən M.Monro heç bir zaman özünü gözəl və sevgiyə layiq biri hesab etməyərək cavan ikən faciəvi şəkildə həyatdan köçdü..

Bəs nədir bu Merlin Monro sindromu? Bu sindrom haradan qaynaqlanır?

İlk növbədə onu qeyd edək ki,bu sindromun yaranma səbəbi natamamlıq kompleksidir. Natamamlıq kompleksinin bir bölməsi ailədə yetərincə qayğı,diqqət və sevgi görməyən uşaqlarda yaranan aşağılıq kompleksidir ki,M.Monro sindromu adlandırdığımız sindrom da onun bir formasıdır.

Əgər bir insan uşaq vaxtı öz doğmaları tərəfindən daim aşağılanırsa,başqaları ilə müqayisə edilirsə,başqaları ondan üstün tutulursa,onun “yaxşı uşaq” olmadığı düşünülürsə o zaman həmin insanda bu sindrom yaranır və sonrakı illərdə daha böyük fəsadlara səbəb olur. Belə uşaqlar böyüdükcə bu çatışmazlıqlarını qəbul edir, həmişə valideynlərinin sonralar isə ümumiyyətlə heç kimin sevgisinə layiq olmadığını düşünür,özünə nifrət etməyə başlayır.

Merlin Monro sindromu olan yeniyetməlik və gənclik yaşlarında özünü sevilməyə layiq hesab etməyən belə yeniyetmə və gənclər əks cinsdən olan həmyaşıdları ilə normal sevgi münasibətləri qura bilmirlər.Bu sindromlu insanlar onların sevgisindən daim imtina edən və onlara sevgi ilə qarşılıq verməyən partnyorlarla əlaqə yaratmağa sanki məhkumdurlar.Onlar belə hesab edirlər ki,əks cinslə normal,sağlam qarşılıqlı sevgi ilə münasibət qura bilməzlər. Ən dəhşətlisi də bundan sonra baş verir..Bu tip insanlar ailə qurduqdan sonra öz övladlarında da bu sindromun yaranmasına bais olurlar.Bu ailələrdə ünsiyyət az olur, verilən vədlərə əməl edilmir,hər kəsin özünün sirri olur və s.

Lakin,bu sindromun öhdəsindən gəlmək mümkündür. Bunun üçün nələr etmək lazımdır?

Özünü sevmək;
Bütün həyatı boyu sağlam olmağı vacib hesab etmək və bunun üçün çalışmaq;
Özünə hörmət etmək;
Öz qayğısına qalmaq;
Özünə inanmaq;
Həyatını yaxşı mənada dəyişdirəcək fikirləri qəbul etmək;
Öz həyat tərzindən zövq almaq;
Öz sindromuna qalib gəlmək üçün özünə söz vermək.

Əziz izləyicilər,hər birinizə sevgi dolu bir həyat arzulayır və dünyada heç kəsin bu sindromdan əziyyət çəkməməsini diləyirik! 🙂

BIR CAVAB BURAXIN

Rəyinizi daxil edin
Adınızı daxil edin