Mən ən çox xəyallarda yaşayıram…

 

  • Yazıçılıq qabiliyyətinizin olduğunu nə zaman hiss etdiniz?

Uşaq vaxtlarında, məktəbli olduğum zamanlarda müəllimlərim üçün şeirlər yazırdım. Həmişə də “5” alırdım. Şeirlərimlə onları fərəhləndirirdim. Hər bir ədəbiyyat müəllimi mənim üçün əziz olub. O zamandan düşündüm amma sonra dayandırmışdım. Kollec vaxtı yenidən başladım yazmağa. Lakin o məlumatlar, şeirlər hamısı itdi. Kolleci bitirəndə isə başıma elə bir əhavalat gəldi ki… Xəyallarımın tam gerçəkləşmiş olması… Yenə başladım şeir yazmağa. O şeiri yazdım, qəzetdə çap etdirdim. Daha sonra, YAP jurnalında da dərc edildi. Beləliklə, tanındım. Sonra isə yenə dayandım. Sanki işığımı söndürdülər. Yenə başıma bir əhvalat gəlir və yazmağa qəti qərar verirəm. Qeyd edim ki, kitabın (“Kalbime ithaf” kitabını nəzərdə tutur) arxasında yazılanlar əslində mənim həyatımdır. Sadəcə adımı yazmadım ki, fərqlilik olsun.

  • Kitabdan bəhs etmişkən, kitab oxumağı çox sevirsiniz. Bəs hansı janrda kitablar oxumağı daha üstün tutursunuz ?

Ən çox sevgi kitabları oxuyuram. Detektiv oxumuram. Məni ruhlandıran, motivasiya edən, özümü inkişaf etdirmək üçün yararlı olan kitabları oxumağı xoşlayıram. Sevgi, şeirlər kitabı oxumağı üstün tuturam. Detektiv də ola bilər,amma elə olsun ki,orada qətl və s. olmasın. Elə olduqda kitabları oxuya bilmirəm. Özümü uzaq tuturam bu tip mövzulardan. Bilmirəm, bəlkə onu da oxuyaram. Amma hələ ki, mənfi təsir göstərir.

  • Nə üçün “Şəmsəddin” – təxəllüsü ?

Çünki atamın adıdır. Atam artıq 22 ildir həyatda deyil,   ancaq onu öz təxəllüsümlə yaşatmaq istəyirəm. Nigar Şəmsəddin…

  • Nigar Ağayevanın olmazsa olmazı ?

Xəyallarım… Mən xəyallarımın içində yaşamağı çox sevirəm. Şeir yazmaq mənim üçün olmazsa olmazdır. Həmçinin mühasibatlıq sənətimdə. Onlar mənimlə həmişə olacaq.

  • Bizə maraqlıdır Nigar Şəmsəddinlə Nigar Ağayeva eyni insandırmı ?

Qatışıqdır (gülür). Əslində ikisdə eyni insandır. Mən ən çox xəyallarda yaşayıram və çalışıram ki, xəayallarımı real həyata sürüklüyüm. Bəzən alınmır ancaq mənim xəyallarım gerçəkləşməyəndə mən onları yazıya tökürəm.

  • Mühasibatlıq və yazıçılıq..İkisi arasında seçim qarşısında qalsaydınız hansını se-çərdiniz ?

Çox çətin sualdır (gülür) mənim üçün ikisi də eynidir.

  • Klassik yazıçılar içərisində ən çox sevdiyiniz hansıdır ?

Azərbaycan, yoxsa dünya üzrə yazıçıları soruşursunuz?

  • Fərqi yoxdur..Dünya ədəbiyyatı da ola bilər, Azərbaycan da..

Bəxtiyar Vahabzadə, Əhməd Cavad, Nizami Gəncəvi, Nazim Hikmət, Can Yücel, Cemal Süreyya, Cek London ən sevdiklərimdəndir. Robin Şarmanın da kitablarını oxumağı sevirəm. Çoxdur, saysam bitməz.

  • Bəs Azərbaycanda gənc yazarlar arasında bəyəndiyiniz yazarlar varmı ?

Demək olar ki, gənc yazarlarımızın əsərlərini oxumamışam. Amma Facebookda dost siyahımda gənc yazarlarımız var. Düşünürəm ki, onlar yazırlarsa demək ki, istedadları var.

  • Yazmısınız ki, ”İtirə-itirə böyüyür insan”. Böyümək üçün çoxmu itirmək məcburiyyətində qalmısınız ?

Mən itirə-itirə böyümüşəm..İtirəndə insanın yaşı daha da çoxalır.

  • “Ən gözəl iş mühasib işidir” deyib Nigar Şəmsəddin..Lakin yazıçılıqdan ayıra bil-mirsiniz..

Peşə cəhətdən, bəli..Şairlik mənim daxilimdəki peşəkarlıqdır. Çünki, mühasiblik işləyincə olur, yazıçılıq isə ruh halı ilə bağlıdır. Nigar şeir yazanda yazıçıdır, amma çalışanda isə mühasibdir. Məsələn, bu kitabı yazanda (“Kalbime ithaf”kitabını göstərir) ondan nə qədər qazanacağımı düşünməmişəm. Çünki,o mənim həyatımdır.Yəni ki, həyatımı yazmışam..

  • Kitabı yazarkən yaxınlarınız sizə kömək oldumu? Ən çoxda ailəniz ?

Birinci inanmırdılar. Bilmirdilər, mən bacara bilərəm. Məlumdur ki, ölkəmizdə kitaba maraq azdır. Kim sənə dəstək olacaq? Ancaq yazdım və özümə söz verdim ki, ümidsizlik olmayacaq. Bütün tənqidlərə, baxmayaraq, mən yazdım və arzumu reallaşdırdım. “Kalbime ithaf” kitabında sujet də özümü hiss edərək yazmışam, sanki o sujet xəttində göz yaşlarım qələm olub. 25 faiz olmuş hadisələrdən, qalan faizlərdə isə xəyallarım yer alır.

  • Özünüzü kursda mühasibatlıq üzrə müəllim kimi də sınamısınız. Sizcə, yaxşı müəllim ola bilmisinizmi ?

Onu mən yox, şagirdlərim desə daha yaxşı olar…

  • “Kalbime ithaf”…Niyə məhz Türkiyə türkcəsində yazmaq qərarına gəldiniz? Bu cür yazmaq sizə daha rahatdır, yoxsa daha geniş oxucu kütləsi əldə etmək üçün belə yazmağı düşündünüz ?

Xeyr,daha çox oxucu kütləsi əldə etmək üçün etmədim..O sırada itirilmiş bir şeyi yazarkən Can Yücel, Nazim Hikmətin şeirləri məni daha çox özünə bağladı. Mənə daha yaxın oldu, məni həvəsləndirdi. Sanki onlar mənim yanımda idi.Mən onları hiss edə-edə yazdım. Elə bil deyirdilər ”Narahat olma,hamısı düzələcək.” Dəstək verirdilər mənə şeirləri ilə..Türkiyə türkcəsində yazmaq daha rahat idi, deyə belə yazdım..

  • Bəs yazdığınız şeirlər, hekayələr içərisində özünüzə daha yaxın hesab etdiyiniz varmı ?

Hamısı öz həyatımdan bir parça olduğuna görə hər biri mənə yaxındır.

  • Oxucularımıza hansı kitabları oxumağı tövsiyyə edirsiniz ?

Hansı kitab onlara yaxın gəlirsə onu oxusunlar. Çünki özləri inkişaf edəcəklər. Mən hər hansı bir kitabı desəm özümə yaxın olanı deyəcəm. Amma onların düşüncələrinə, həyat tərzlərinə uyğun olan kitablar daha fərqli ola bilər.

  • Bəs özünüz kitab oxuyarkən obrazların hisslərinə daha çox önəm verirsiniz, yoxsa əsərin süjet xətti sizin üçün daha önəmli olur ?

Obrazın hissləri, düşüncələri, həyata qarşı mübarizəsi mənim üçün daha önəmlidir. Çünki, insan düşüncə ilə hərəkət edir. Yəni birinci mənim üçün daha vacibdir.

Çox sağ olun Nigar xanım.

Siz də sağ olun.

BIR CAVAB BURAXIN

Rəyinizi daxil edin
Adınızı daxil edin