Get more stuff like this
Subscribe to our mailing list and get interesting stuff and updates to your email inbox.
Thank you for subscribing.
Something went wrong.
Xalqımız hər zaman dahi şəxsiyyətlərinə böyük önəm vermiş və hər il bu dahilər barədə müxtəlif tədbirlər keçirilir. Bu şəxslərdən biri də gənc yaşda həyatdan köçən şair M.Müşfiqdir. Hansı ki,bu il 110 yaşı qeyd edilir..
Prezident İlham Əliyevin “Mikayıl Müşfiqin 110 illiyinin qeyd edilməsi haqqında” müvafiq Sərəncamına əsasən Mədəniyyət Nazirliyinin, “Azərbaycan Televiziya və Radio Verilişləri” Qapalı Səhmdar Cəmiyyətinin, Mədəniyyətşünaslıq üzrə Elmi-Metodiki Mərkəzin dəstəyi, “Könüllülər kitabxana” İctimai Birliyinin, Cabir Novruz Mədəniyyət Fondunun, Yasamal rayonu M.Müşfiq adına 18 nömrəli orta məktəbin birgə təşkilatçılığı ilə tədbir reallaşıb.
Tədbirdə M.Müşfiqin həyat və yaradıcılığından bəhs edilib. Azərbaycan Yazıçılar Birliyinin katibi, Xalq yazıçısı Çingiz Abdullayev, Xalq şairi Nəriman Həsənzadə, Əməkdar jurnalist, pedaqogika üzrə fəlsəfə doktoru Qafar Əsgərzadə XX əsr Azərbaycan ədəbiyyatının görkəmli nümayəndəsi, repressiya qurbanı Mikayıl Müşfiq unudulmaz şairin ədəbiyyatımızdakı xidmətlərindən danışıblar.
Bildirib ki, Mikayıl Müşfiqin şəxsiyyəti milli şüur və vətənpərvərliyin timsalı, yaradıcılığı isə gənc nəslin milli mənlik şüurunun inkişaf etdirilməsi və gənclərimizdə vətənpərvərlik hislərinin tərbiyəsində əvəzsiz xəzinədir.
Daha sonra M.Müşfiq irsini yaşatdıqlarına və təbliğ etdiklərinə görə Xalq Artisti Zeynəb Xanlarovaya, Sənan Talıbova, Ofeliya Babayevaya, Firudin Qurbansoya, Qafar Əsgərzadəyə Cabir Novruz Mədəniyyət Fondu tərəfindən təsis olunmuş “Oxu tar” Müşfiq mükafatı təqdim edilmişdir.
