Krımdan gələn səs..

Son illərdə sosial şəbəkə həyatının televiziyanı üstələdiyi bir dönəmdə yenilikləri də  “ovcumuzdan“ almış oluruq.. Yeni ixtiraları,ədalətsiz müharibələri,hətta istedadlı gəncləri də “ovcumuzdan“öyrənirik..Belə gənclərdən birini də 2015-ci ilin payızında “Голос Дети“(“Uşaqların səsi“)yarışması bizə tanıtdı..O gənc Krım tatarı – 13 yaşlı Aliyə Bəkirova idi..

Krım tatarlarının milli geyimində səhnəyə çıxan Aliyə ilk saniyələrdən münsiflər heyətində özünə qarşı maraq oyada bilmişdi.Öz səsi ilə ukraynalı münsiflərin gözlərini yaşardan Aliyə sadə və bir o qədər də güclü performansı ilə hər kəsin sevgisini qazandı.

İstedadından və səhnə mədəniyyətindən əlavə,müsahibələri də onun kiçik yaşlarından ismətli bir türk qızı olduğunu göstərirdi.Yarışmada ifa etdiyi “Dohtur “ mahnısının ardından “Vatanda sevip yaşa“, “Altın yüzük“, “Amanım yarım“ kimi mahnıları həm televiziya verlişlərində,həm də sosial şəbəkələrdə geniş izləyici kütləsi qazana bilmişdi.Mahnılarına Rusiya,Türkiyə,Azərbaycan,Mərkəzi Asiya,Avropa və digər ərazilərdən gələn şərhlər Aliyənin bütün Türk dünyası tərəfindən sevildiyinin,böyük rəğbətlə qarşılandığının əyani sübutu idi.

Qatıldığı yarışmanı tez bir zamanda tərk etməsi ona olan marağı zərrə qədər də azaltmamışdı.Aliyə yenə efirlərdə öz istedadını sübut etməkdə davam edirdi..Musiqiçi ailəsində doğulmağı ilə yanaşı,özünün də sahib olduğu musiqi duyumu və səs onu irəliyə aparmaqda idi..Lakin,incəsənətə bu qədər bağlılığı olan Aliyə özünü gələcəyin həkimi kimi görməkdədir..Seçdiyi ixtisasdan,hansı sahədə fəaliyyət göstərməsindən asılı olmayaraq,o çox sevdiyi vətəni – Krım üçün faydalı işlər görmək arzusundadır..Biz də “Sonuncu əsr“ dərgisi adından istedadlı gəncimizə öz həyatında uğurlar arzulayırıq..Tanrı türkü qorusun..

Müəllif : Fəridə Həmidzadə