Körpələr, dadlar və qoxular

Qoxu və dad hissiyatı körpənin ən tez fəaliyyətə başlayan duyğu anlayışıdır. Eşitmə və görmə hissiyatı daha sonra formalaşmağa başlayır. Bunun nəticəsidir ki qoxular bilərəkdən ya da bilməyərəkdən həyatımızın mərkəzində yer alır. İlk dad reseptorları döl ana bətnində 7 həftəlik olarkən fəaliyyətə başlayır. O dövrlərdən etibarən dad seçimi formalaşmağa başlayır. Əgər ana ədviyyatlı yeməklə qidalanarsa bu ədviyyat aroma halında qan vasitəsilə dölə çatdırılmış olur. Sonrakı mərhələdə isə əmzirilən uşaq yenə ananın qidasından asılı olaraq bu hiss üzvünü inkişaf etdirir. Ananın qıdalandığı yeməklərin dadı, hətta istifadə etdiyi ətrin qoxusu belə ana südünə qarışaraq körpəsinə çatır. Müəyyən olunmuşdur ki, ana sarımsaqla qidalanarsa körpəsi daha uzun müddət ana südü ilə qidalanmağa meyilli olur. Əgər 1 badə də olsa spirtli içki qəbul etmiş olarsa bu körpənin ana südündən imtina etməsinə gətirib çıxarır.

Ana və körpəsi arasında ilk əlaqələr məhz qoxu hesabına güclənir. körpənin aldığı ilk qoxu anasının qoxusu olur. hətta 6 günlük çağa belə anasının qoxusunu başqasından seçə bilir, amma görərək tanıya bilməz. Anasının qoxusunu daşıyan bez parçası belə körpəni sakitləşdirməyə kifayət edər. Buna görədir ki, təcrübəli analar uşaqlarını bir başqasının yanında qoyarkən oz geyimini də onunla qoyur. 🙂 Bu qoxu körpəni rahatlaşdırır. Ana da öz körpəsinin paltarıarını başqasının paltarlarından qoxusuna görə ayıra bilir.

Qoxular bədənin hormon sistemini tənzimləyən hipofiz vəzinin fəaliyyətinə də təsir edə bilir. Hipofiz vəzinin ifraz etdiyi bioloji fəal maddələr bədənimizin fiziologiyası ilə yanaşı emosiyalarımızı da idarə edər. Qoxular bizim aşiq olmağımıza da səbəb ola bilir. İstifadə etdiyimiz qoxular həddindən artiq cəlb edici ola bilər. Amma heç bir ətir insanın öz spesifik qoxusu qədər cazibəli olmur. Bu qoxu barmaq izi qədər bənzərsizdir.

BIR CAVAB BURAXIN

Rəyinizi daxil edin
Adınızı daxil edin