Koronavirus pandemiyası səbəbindən təxirə salınan “Eurovision 2020″ onlayn keçiriləcək

Get more stuff like this

Subscribe to our mailing list and get interesting stuff and updates to your email inbox.

Thank you for subscribing.

Something went wrong.

Koronavirus pandemiyası səbəbindən təxirə salınan “Eurovision 2020″ onlayn-konsert formatında keçiriləcək.
AZƏRTAC xəbər verir ki, bu barədə məlumat müsabiqənin saytına yerləşdirilib.
Bildirilir ki, mahnı müsabiqəsi “Eurovision: Avropa bərq vurur” şüarı ilə baş tutacaq. İki saatlıq şounun aparıcıları Hollivud ulduzları Şantel Yanzen, Yan Smit, həmçinin müğənni Edsiliya Rombli olacaq.
Mayın 16-da keçiriləcək şou proqramda 41 musiqi nömrəsi təqdim olunacaq. Konsert həmçinin təşkilatın rəsmi “YouTube” kanalından da yayımlanacaq.
Onlayn-konsertə ötən illərdə musiqi yarışmasının qalibi olanlar da qatılmaq imkanı qazanacaqlar.
Təşkilatçılar bu formatın müxtəlif ölkələrin əhalisini bu çətin dönəmdə birləşdirməyə xidmət edəcəyini deyir: “Biz təklif edirik ki, bütün dünyanın telekanalları bu şounu birlik ovqatında yayımlasınlar”.
Qeyd edək ki, Azərbaycanı “Eurovision 2020” Mahnı Müsabiqəsində Samirə Əfəndi “Kleopatra” mahnısı ilə təmsil edəcək.

Mənbə : AZƏRTAC

BIR CAVAB BURAXIN

Rəyinizi daxil edin
Adınızı daxil edin