Get more stuff like this
Subscribe to our mailing list and get interesting stuff and updates to your email inbox.
Thank you for subscribing.
Something went wrong.
Kalininqrad şəhərində azərbaycanlı Sovet İttifaqı Qəhrəmanı Həbibulla Hüseynovun xatirə turniri keçirilib.
AZƏRTAC xəbər verir ki, gənclər arasında güləş turniri iki kateqoriyada – sərbəst və yunan-roma güləşi üzrə keçirilib. Böyük Vətən müharibəsində Qələbənin 75 illiyi münasibətilə təşkil olunan yarışlar Sovet İttifaqı Qəhrəmanı, 67-ci zenit-artilleriya diviziyasının komandiri, qvardiya polkovniki, həmyerlimiz Həbibulla Hüseynovun xatirəsinə həsr olunub. Turnirə yaşı 14-dək olan 100-ə yaxın idmançı qatılıb.
“Azərbaycan” regional milli-mədəni muxtariyyətinin dəstəyi ilə keçirilən turnirin təşkilatçısı qismində “İnam” Kalininqrad regional müsəlman ictimai təşkilatı çıxış edib.
Xatırladaq ki, Böyük Vətən müharibəsinin iştirakçısı polkovnik Həbibulla Hüseynov 1945-ci il aprelin 16-da Almaniyada qəhrəmancasına həlak olub.
Mənbə : AZƏRTAC
