Gənc yazar Jalə Qasımova ilə müsahibə

Müsahib Jalə Qasımova  “Sonuncu Əsr Hekayələri” kitabında yerləşən – “Sənsiz olan dünyanın adı yoxdu” hekayəsinin müəllifi

 

 

  • İlk dəfə nə vaxt hekayə yazmaq fikrinə düşdünüz? Sizi nə ilhamlandırdı?

 

Yazı ilə aram uşaqlıqdan yaxşı olub. 5-6-cı sinifdə bir-iki bəndlik şeirlər yazırdım. Bəziləri həqiqətən gülməli idi,amma fikrimcə, o yaş dövrüm üçün o qədər də pis deyildi. Amma ümumi olaraq deyə bilərəm ki, öz hislərimi sözlərlə ifadə edə bilməyəndə, dəftər və qələm həmişə imdadıma çatıb. Sadəcə yazırdım və sonra atırdım. Sevinəndə, üzüləndə, əsəbiləşəndə və ya hansısa mövzu haqqında  qərarsız olanda.Yazmaq mənə, məni daha yaxşı hiss elətdirdi.  Bir dəfə yenə yazdım və oxudum, amma atmadım.

 

 

  • “Sənsiz olan dünyanın adı yoxdu” – nəvə sevgisi ancaq bu qədər gözəl və duyğulu izah oluna bilərdi. Niyə hekayə üçün məhz bu mövzuya üstünlük verdiniz? Mənəvi anlamı var mı sizin üçün?

 

Təşəkkür edirəm. Düşünürəm ki, hər nə qədər ətrafımızda birlikdə vaxt keçirdiyimiz , bəzən məsləhət aldığımız dostlarımız olsada, babalar və nənələr xüsusi yer tutmalıdır. Öz təbiətimə bağlı olaraq babamdan bir az utanıram, çəkinirəm , amma zahirən ifadə edə bilməsəm də, daxilən qəlbimdə ona qarşı sonsuz sevgi var. Hekayədə də o sevgini canlandırmağa çalışmışam

 

 

  • Qeyd etmək lazımdır ki, hekayəniz həm də motivasiya və nümunəvi xarakter daşıyır. Sanki, Əzim babanın dilindən oxucuya nələrisə çattırmaq istəyirsiniz? Doğrudur mu?

 

Bəli, özümü gücsüz hiss edəndə, həmişə içimdəki Əzim baba mənə həqiqi Jalə’ni  xatırladıb. Mən ümid edirəm ki,Əzim babanın dialoqları, oxucu yoldaşlarıma da onların daxilində dibi görünməyən dənizlər qədər bir potensialın var olduğunu hiss etdirəcək.

 

  • Baş qəhramanınız bir qədər nostaljik və ailə dəyərlərinə düşgün bir obrazdır. Müəllifi və obrazın yaradıcısı olaraq, Əzim baba və Zərifə nənənin nəvəsini oxucularla daha da yaxından tanış etmək istəyərsiniz?

 

Çox doğru vurğuluyubsuz. Qəhramanımız ailə dəyərlərinə çox önəm verən və keçmişinə bağlı biridir.Çətin vəziyyətlərdə zarafat etsədə, babası ilə çox şeyi paylaşsada, əslində bir az özünə qapalı və səhv etməkdən qorxduğu üçün hər mövzunu dərin düşünən biridir.
Qeyd etmək istərəm ki, növbəti yazılarda nəvə obrazını oxucularla daha yaxından tanış edəcəyəm.

Müsahibəni hazırladı-“Sonuncu Əsr” Jurnalistika bölməsinin rəhbəri,jurnalist Aysel Qarayeva

BIR CAVAB BURAXIN

Rəyinizi daxil edin
Adınızı daxil edin