İtirdiklərimiz.

Get more stuff like this

Subscribe to our mailing list and get interesting stuff and updates to your email inbox.

Thank you for subscribing.

Something went wrong.

Yenə evdən çıxanda dəfələrlə çantamı yoxlayıram. Bəlkə yadımdan çıxan nəsə var? Hər şeyi götürmüşəm axı. Nə ola bilər ki?! Bu gün mənə lazım olacaq əşyaları təkrarlayıram. “Yadımdan çıxanı” tapmaq üçün..
Tək bu gün deyil ki. Hər zaman beləyəm.. Bütün ömrüm boyu nəyisə unutduğumu, nəyinsə əskikliyini hiss etmişəm. Yaddaş pozuntusu deyil bu. Bu tamam başqa bir şeydir. Səndə də olur belə? Nə bilim e..
Bilirsən,əslində nəyisə itirməkdən qorxan biri də deyiləm. “İnsanları itirdim, cansız əşyaların ardınca düşməyəcəyəm ki..” deyib səhvlər etdiyim də az olmur.
Mazoxist ruhlu birisənsə yaşamaq elə də asan deyil..
Yox e.. Elə bilmə ki,səni kədərləndirmək istəyirəm.)
Mən özümü itirdiklərimin əvəzinə qazanacaqlarım olacağına inandırmışam və bu səbəbdən nəyisə itirmək (təbii ki, söhbət əşya,pul və s.cansız varlıqlardan gedir) mənim üçün bir o qədər də əhəmiyyətsizdir. Və hər dəfə həyatımda gözəl bir şey baş verdiyində bunu “itirdiklərimin əvəzi” kimi qəbul edir və itirdiklərimi unutmuş oluram..
Məsələn,bir dost təsəvvür elə. Çox yaxınsan onunla. Birlikdə etdiyiniz məxsusi zarafatlarınız var. Hansı ki,o zarafatları başqa dostlarınla edə bilmirsən. Həminki dənizdi e, amma təkcə onunla dənizə baxanda o cür hiss edirsən, o cür fikirləşirsən. Hər nə etsən də səni bağışlayan,ən böyük səhvində belə səni olduğun kimi qəbul edən dostun.. Sonra bir gün gəlir və heç gözləmədiyin anda o dostunla əlaqən kəsilir. Bir əskiklik hiss edirsən. İtirdin..
Hirsli anda dediyin iki kəlmə sözlə sevdiklərinin qəlbini qırdın. Heç vaxt yadlarından silinməyəcək cümlələr işlətdin. Kiçik qüsuru böyük mübahisəyə,daha sonrasında isə münaqişəyə çevirdin. Qapını bərk örtərək deyinə-deyinə çıxıb getdin. İtirdin..
Sırf “onlar” sənə qarşı vəfasız, xain oldu deyə “bu birilərinə” də pis rəftar edirsən. Axı,indi birlikdə olduğun insanlar sənə heç bir pislik etməyiblər. Amma sən “onların” qisasını digərlərindən alırsan.. İtirdin..
Çantaları,ciblərinizi axtarmayın.. İtirdikləriniz yuxarıdakılardır.. Həyatınızda hiss etdiyiniz boşluq, “nəyinsə” yoxluğu, “yadınızdan çıxan” əşya saydıqlarımdır..
Saat 16:00..Evdən çıxıram..Deyəsən yenə nəyisə unutdum axı..Düşünüm bəlkə taparam. 🙂

How useful was this post?

Click on a star to rate it!

Average rating / 5. Vote count:

As you found this post useful...

Follow us on social media!

We are sorry that this post was not useful for you!

Let us improve this post!

Share

BIR CAVAB BURAXIN

Rəyinizi daxil edin
Adınızı daxil edin