Get more stuff like this
Subscribe to our mailing list and get interesting stuff and updates to your email inbox.
Thank you for subscribing.
Something went wrong.
1918 ci ilin noyabrında Mudros müqaviləsinə görə Osmanlının Azərbaycandan çəkilməsi və ingilislərin Azərbaycanı işğal etməsindən sonra Xalq Cümhuriyyəti ordusunda bir sıra kadr çatışmamazlığı özünü göstərməyə başladı. Bunun üçün Azərbaycan hökuməti 1918-ci il dekabrında ingilislərdən gizli olaraq Osmanlıdakı səfirimiz Yusiv Vəzir Çəmənzəminli vasitəsilə Osmanlı dövləti ilə danışıqlara başladı. Osmanlı dövləti maksimum 65 azərbaycanlını hərbiçini öz hərbi akademiyalarında gizlincə oxumasına icazə verdi. Bundan sonra Azərbaycan Hərbi Nazirliyi yenə də ingilislərdən gizli olaraq ticarət adı altında 63 hərbiçisini mülki şəxs kimi Gürcüstan üzərindən İstanbula göndərdi. Bunlardan 23 nəfərini Osmanlının Dənizçilik məktəbinə (bahriye okulu) qalanlarını Topçu, Qərərgah, Süvari və s. zabiti olmaq üzrə Osmanlı Kara Harb okullarına yerləşdirdi. Lakin 1920-ci il 27 aprel işğalından sonra AXC ordusu dağıdıldı. 63 nəfərdən vətənə dönən 18 nəfəri Cümhuriyyət zabitləri ilə birlikdə Nargin adasında güllələndi. Osmanlıda qalan hərbiçilərimiz isə Osmanlı ordusunda xidmətə girdi və bunlardan bəziləri Atatürklə bərabər “Qurtuluş Savaşı”na qatıldılar. Bu zabitlərin əksəriyyətinin sonunun necə olduğu barədə xəbər yoxdur.
