İngilis dili (27-ci dərs)

“Present perfect continuous” və “Present perfct simple” zamanlarının müqayisəsini təqdim edirik:

Tural’s clothes are covered in paint.She has been painting the ceiling.

Bu cümlə indiki bitmiş davamedici zaman formasındadır. Yəni bizi hadisənin gedişatı maraqlandırır. Hərəkətin bitib bitməsi bizim üçün önəmli deyil. (Rənglənmə yarımçıq da qala bilər.)

The ceiling was white.Now it is red. He has painted the ceiling.

Bu cümlə isə indiki bitmiş zamandadır.  Bizi proses yox,nəticə maraqlandırır. (Rənglənmə bitib.)

“Present perfect continuous” zamanı “how long” anlamında da işlənir və bu zaman keçmişdən başlamış,indiyədək də davam edən hər hansı bir hərəkət üçün istifadə edilir.

How long have you been reading that book? (Kitabı keçmişdə hər hansı bir zamandan etibarən oxumağa başlayıb və hələ də bitirə bilməyib)

I’m learning Spanish,but I haven’t been learning it very long. (Öyrənməyə başlayıb və hələ də davam edir.)

“Present perfect simple” zamanı “how much”, “how many”, “how many times” anlamında işləndikdə bu cür olur:

How much of that book have you read? (Kitabdan nə qədər (neçə səhifə) oxumusan? Oxuduğumuz hissə indiki bitmiş zamandadır.)

They’ve played tennis three times this week. (Bu həftə ərzində oynanılıb bitib. Dəqiq zaman bizi maraqlandırmır.)

Bəzi fellər (məsələn,”know,like, believe”) adətən davamedici zamanda işlənmir.

I’ve known about it for a long time. (“I have been knowing” demirik.)

Lakin,”want” və “mean” fellərini indiki bitmiş davamedici zamanda istifadə edilir.

I’ve been meaning to phone Jamila, but I keep forgetting.

“I can talk about families” mövzusu üzrə sözlərimizi davam etdiririk:

be related to sb – kiminləsə qohum olmaq

member – üzv

royal – əsilzadə

ancestor – əcdad

immigrant – mühacir

emigrate from…to… – haradansa harayasa mühacirət etmək

previous – əvvəllər

generation – nəsil

originally – mənşə baxımından

look like sb – kiməsə görünüşcə oxşamaq (ailədən,nəsildən)

take after sb – kiməsə xasiyyətcə oxşamaq (ailədən,nəsildən)