İngilis dili (2-ci dərs)

Salam əziz izləyici! Bu gün ingilis dilində müraciət formaları ilə tanış olacağıq.Tələffüzdə problem olmaması üçün sözlərin transkripsiyasını da təqdim edəcəyik.

Mr.(Mistr) – Cənab

Mrs.(Misiz) – ailəli qadınlara müraciət edərkən işlənir.

Miss (Mis) – subay qadınlara müraciət edərkən deyilir.

Qeyd edək ki,bu ifadələr soyadsız işlənərkən nəzakətsizlik hesab edilir..Lakin,“Miss“ ifadəsi ibtidai sinif müəllimlərinə müraciətlə soyadsız işlənə bilər.

“Mr“ ifadəsindən əlavə “Sir“(Söö) ifadəsi də danışıq zamanı istifadə edilir. Bu ifadə aşağıdakı hallarda işlədilir:

1) Şagirdlər kişi müəllimlərinə müraciət edərkən,

2) Satıcılar və ofisiantlar kişi müştərilərə müraciət edərkən,

3) Yaşından asılı olmayaraq tanımadığınız şəxsə,

4) Orduda yüksək rütbəli zabitlərə.

“Madam“(Mədım) ifadəsini isə

1) Satıcı və ofisiantlar qadın müştərilərə,

2) Nadir hallarda tanımadığınız  şəxslərə müraciət zamanı istifadə edilir.

“Professor“ (Profəsə) sözü müraciətin rəsmi və ya qeyri-rəsmi olmasından asılı olmayaraq soyadla və soyadsız istifadə edilə bilər.

“Doctor“ (Doktə) ifadəsi yalnız işləndikdə həkimlərə,soyadla işləndikdə fəlsəfə doktoru və elmlər doktoru kimi elmi dərəcəsi olan şəxslə müraciətlə istifadə edilir.

Valideynlərə müraciət zamanı:

1) “Mummy“ (Mami), “Daddy“ (Dədi) ifadələrini övladlar 10,11 yaşadək istifadə edirlər.

2) “Mum“ (Mam), “Dad“(Dəd) ifadələrini isə övladlar 10,11 yaşından sonra öz leksikonlarına əlavə edə bilərlər.

Nənə müraciət zamanı “Grandmother“(Qrənma(th)ə),Grandma (Qrəmma), “Granny“(Qrəni), “Gran“ (Qrən), “Nanny“ (Nəni) ifadələrini;

Babaya müraciət zamanı “Grandfather“(Qrənfa(th)ə),“Grandpa“(Qrəmpa), “Granddad“(Qrəndəd) kimi ifadələri istifadə edirik.