İndikilər bilməz

 

İndikilər çox şeyləri bilməzlər… Zaman keçdikcə bəşəriyyət bir inkişafa doğru gedir. Bu irəliləyiş zamanı biz çox  şeyləri geridə qoyuruq. Əlbəttə ki, bu həyatın qanunudur. Hər yeni açılan səhər dünənin yaşanmışlıqlarını tarixə gömür. Lakin elə duyğular, elə anlarda vardır ki, onları tarixin tozlu səhifələrində saxlamaq həmin yaşanmışlıqlara haqsızlıqdır. Bəlkə də, onlar ən gözəl anlarımız idi. Qayğısızca danışıb güldüyümüz, qaçıb tullandığımız o anlar. Hansı ki tək işimiz tək dərdimiz oyun idi. İndikilər bilməz o duyğuları. Ümid edək ki, onlarda bu oyunların əyləncəsini, sevincini dadacaqlar.

Günümüzün reallığıdır ki, texnologiyanın inkişafı, insanlar arasında canlı ünsiyyəti, hətta səmimiyyəti zəiflətmişdir. Bununla yanaşı uşaqlar da bir-birləri ilə şən, əyləncəli oyunlar oynamaqdansa, komputer, planşet və telefonlarda oyunlar oynayırlar. Psixoloqlarda təsdiq edir ki, bunlar uşaqların psixologiyasına mənfi təsir edir. Uşaqlarda aqressivlik, özünəqapalılıq, ünsiyyətsizlik və.s yaranır. Texnologiyadan bir az uzaqlaşıb dünayaya baxsaq görərik ki, mesaj yazmaqdansa üz-üzə söhbət daha maraqlıdı, komputer oyunlarındansa dostları ilə oynamaq daha əyləncəli, elektron kitab oxumaqdansa kitabını əlinə alıb, sakit bir yerə çəkilib dostundan hekayə dinlər kimi kitab oxumaq daha rahat və gözəldir. Bu sadalamanı istədiyimiz qədər uzada bilərik.

Az öncə dostlara oynamaq daha əyləncəli olduğunu dedik. Bəs bu əyləncəli oyunlar hansılardır. “Bənövşə”, ”Şəhər-şəhər”, ”Gizlənqaç”,”Ortada qaldı”, ”Yeddi şüşə”, “Klas-klas”, ”Kis.. kis miyo.. miyo..”,”Motala motal”, “Ad, soyad şəhər, meyvə, heyvan….” və.s oyunlar vardırş

“Bənövşə” oyununda uşaqlar iki dəstəyə ayrılır. Uşaqlar əl-ələ tutaraq dəstə kimi  məsafə 10-15 m olmaqla qarşı-qarşıya dayanırlar. Və belə bir dialoq qururlar:

  • Bənövşə…
  • Bəndə düşə.
  • Bizdən sizə kim düşə???
  • Ad gözəl özü gözəl ….. ( qarşı dəstədən olan uşaqlardan birinin adı səsləndirlir)

Adı çəkilən oyunçu qaça-qaça gedib qarşı cərgəni yarmalıdır.Əgər yarasa ordan bir uşaqı öz cərgəsinə gətirəcək, yara bilməsə özü orda qalacaq. Bütün uşaqları öz cərgəsinə yığan dəstə qalib olur.

“Ad,soyad, şəhər….” oyununda isə bir vərəqdə beş xanalı cədvəl çəkilir. Oyunçular sıra ilə hərf deyirlər. Deyilən hərflə başlayan uyğun sözlər xanalara yazılır. Məsələn, deyək ki, uşaqlardan biri “B” demişdir. O zaman  xanalar aşağıdakı kimi doldurulur. Yazılan sözləri digər oyuncuların istifadə edib-etməməsinə uyğun olaraq ballar hesablanır.

Ad Soyad Şəhər Meyvə Heyvan
Babək Babanlı Bakı Banan Bəbir

 

“Klas-klas” çoxlarınız tanıyırsınız bu oyunu amma oynayıb oynamamanızı???

Gəlin  birgə xatırlayaq bu oyunu.

 

“Kis..kis.. miyo…miyo” da maraqlı oyunlardan biridir. Bu oyunda ənənəvi seçim qaydası ilə bir nəfər seçilir. Seçilən oyunçu bir rəng deyir və 10-a qədər sayır. Digər oyunçular ətrafda o rəngi tapıb ona toxunmalı idilər. Rəng tapa bilməyəni isə seçilib  hansı rəngin tapılmasını deyən oyunçu tutur və növbəti rəngin deyilməsi rəng tapa bilməyənin tutuluması sırası ona keçir.

Qaçdı-tutdu”, “Tələbə tələbə”, ”Səndə-məndə” adlarla tanınan oyunumuz isə məhşurdur. Bir nəfər seçilir və digərlərini tutmağa çalışır. Kimi tutsa qovalama növbəsi ona keçir.

Hər birinizə xoş əyləncələr… Unutmayın ki, komputer, telefon və planşetlərinizdən də kənarda bir həyat var. Halbuki, siz özünüzü ekranlara həbs etmisiniz.

 

Arzu Hüseynova

BIR CAVAB BURAXIN

Rəyinizi daxil edin
Adınızı daxil edin